| |
|
|
 | ||||||
| Kovara malpera Amûdê - mehane, çandeyî, wêjeyî û hunerî | Hejmar 22 - 24.11.2002 | |||||
| ||||||
| ||||||
| ||||||
| [ amude.com/nivis] [ nivis@amude.com] | ||||||
| ||||||
| ||||||
| [DESTPÊK] | [SERNIVÎSER] | [ERŞÎV] |
|
ÇEND NAMEYÊN KURMANCÎ JI NEVIYA SALARÊ XWÎNÎ RE Kemal Necim - Beyrût
|
||||||
havîn hîna ter bû havîn hîna ter bû, li peravên Deriya sipî. Ji xwe havîneke biyanî bû, mîna xwêya li ser eniyên me diçirisî. Bayê biyaniyê li te nedihat Nejî cilên bajêr.... ................... Tu ne bi tenê dihatî, carê, kêlîkên me xwe ji çavan didizî bi te re birek zeriyên çiyayî, mîna zarokên dibistanê, xwe fêrî hejmartina teliyên min dikirin. Birek bêrîvanên koçer, bi guman, bêdengiya min didan sondê. ……… Tu ne bi tenê bû carê... Bi dengê kenê te yê bilind re hezar gundiyan, bi cil û bergêm kurmancî, xwe berdidan kolanên Beyrûtê... ................. Bayê bajêr li te nedihat Nejî bêdengiya min.... ……………. Nameyên ku - qaşo- bi erebî bûn Hevokên te yên nîvhûnayî Awirên nîvço Liva destên te Porên te, ku te bîrnedibir ji ser çavên xwe bide alî qerf û henekên te... û hemû diyariyên te li min nedihatin nejî xwêya li ser eniya te diçirisî zuha dikirin.... lê havîn hîna ter bû ji xwe havîneke biyanî bû, mîna xwêya li ser eniyên me diçirisî... .................. 2 sîha şevên kurt, pişta axê hênik nedikirin ne demsala barînê bû û nizanim ew berf ji kîjan serdemê ve bi ser memikên te de dibariya... ................. di perestgeha xwedawendên te de hînî vexwarina helbestên mê bûm.. piyala şîr ji destên min nakeve û şagirtên min dawiya havînê di mestek tirî de... dimeyên..... .................. Wê şeva havînî, laşê te yê şahîk, bi kurmancî xwêdida Û ahînên te ji ferhenga Çiyayê Kurmênc bûn 3 wêneyên ku ji riwê te diwerivîn, wê kêlîkê, ne yên te bûn dibe ku yên wî şervanê rimşikestî bûn.. yan yê Salarê xwînî di be ku yên min bûn... ................... 4 Nameyeke Kurmancî Vaye havîn termên min yên dawî neşûştî ber bi goristana vî bajarê biyanî ve dajo... ...............
|
||||||
|
----------------------------------------------------------------------------------------------------------------------------- copyright © 2000-2002 amude.com [ info@amude.com ] |
