Kovara malpera Amûdê - mehane, çandeyî, wêjeyî û hunerî	Hejmar 21 - 21.10.2002
	[ amude.com/nivis] [ nivis@amude.com]

[EDÎTOR]

[TÊKILÎ]

[ERŞÎV]

		Ehmedê Huseynî: "EZ NEMA HELBESTÊ DINIVÎSÎNIM!" Hevpeyvîn: Sîrwan Hecî Berko
		Li bajarê Solingen li Elmaniyayê, NIVÎS şeva 20-10-2002an bû mêvanê helbestvan Ehmedê Huseynî yê ku di vê demê de çend rojan li Elmaniyayê dimîne. Li wêderê NIVÎS kurtehevpeyvînek bi Huseynî re kir. Di vê hevpeyvînê de, Ehmedê Huseynî got ku wî ji du salan û vir ve biryar dabû ku ew êdî nema helbestê dinivîsîne. Ji ber ku derfet bi me re tune bû ku em hevpeyvînê dirêjtir bikin û bi awayekî berfirehtir li ser biryara Huseynî êdî bes helbestê binivîsîne, rawestin, NIVÎS sozek ji Huseynî stend ko ew dê di demek nêzîk de bo hevpeyvînek dirêj û giştî amade be. >>> Berdewam bike..

		XELATA NOBEL A WÊJEYÊ YA SALA 2002an IMRE KERTÉSZ
		Imre Kertész, nivîskarekeî majarî, xelata NOBELê ya wêjeyê ya sala 2002an wergirt. Imre Kertész di 9.11.1929an de li paytexta Majaristanê Budapest ji dayik bû. Ew ji binemaleke cihû ye. Gelek ji 11 berhemên wî hatine wergerandin bo zimanên elmanî, ingilîzî, firensî û swêdî. NIVÎS daxuyaniya "SVENSKA AKADEMIEN" (Akadêmiya Swêdî) a Nobêlê bo xwendevanê kurd wergerand. >>> Berdewam bike..

		EZ XWEDAYEKÎ KURT Û KURMANCÎ DINIVÎSIM Hoşeng Broka
		1. Peyvname Herwekî çawa ku di destpêkê de peyv hebû, wê di dawiyê de jî her peyv bimîne. Peyv di gerdûna mirovane de, wek proseseke bûnewerî ne tenê alavekî danûstandin û ragihandinê ye, mîna ku sosyolog, psîkolog û polîtolog....htd wê şirove û analîze dikin. Peyv ji wisa ferehtir, dirêjtir, bilindtir, kûrtir û kesktir e. Peyv afrîdeyekî xwedawendane, bêhmpa û kosmogonî ye. >>> Berdewam bike..

		KURTEPEYAMÊN JI BO TE Cemîl Oguz
		Di vê xemgîniya jiyana min de peyamên dilgeş, peyamên bi hêvî û yên ku tenê ji bo diyariyê hatine nivîsîn, jî bi hemû dilgerimiya xwe cih digirin. Ji van peyaman hinan bi bayeke hênik, bi germiya dil ez ji te re dişînim. Bigire, bixwîne, wekî dayikek ku kurê wê ji şer vegeriya be hembêz û maçî bike... Bike derman van peyaman û li birînên xwe yên xedar bide... Van peyaman bavêje sobeya xwe, bila te germ bikin, bavêje nav coyê bila biherikin û hemû zeviyên te av bidin, bavêje ser rê bila ji rêya te re bibin qîr û aswaltek baş jê saz bibe. Van peyaman bavêje ezman bila bibin ewr û paşê jê baraneke hûrik ku diherike nav dilê axê bibare. Belê fermo... >>> Berdewam bike..

		PIYALA EVÎN Mizgîn Mehmûd
		Nermîn bide dest min piyala vînê Min mestke ji kehniya vê birînê Bila ev hiş û sewdan bibne serxweş Şûşa meyê bîne, metirse Dînê Kul û derdê min pirr in, nîne derman Mixabin yar ez kuştim vê evînê Bide min piyala bi wan destê xwe sermestî tenê dilê min dihînê Şev û roj, herdû li ba min wek hev in Min nedî kêfxweşî ji wê civînê >>> Berdewam bike..

		TE HÊLÎNA MIN XERAKIR!! Ehmed Heso
		Yek caran ku mirov mezin dibe, bi salan dikeve jî, lê dîsa hinek ji zaroktiya wî pêre dimîne. Eger ew mirov di zaroktiya xwe de jar û hêmin bû, wisa di mezinaya xwe de jî wî wêneyî dide xuyakirin, yan jî eger ew bê cir û xwedî teşqele bû, ew bi vî rengî jiyana xwe bi dawî dike. Li vajî vî tiştî, carna mirov in hene ku di meznaya xwe de qet wî wêneyê piçûkaniyê nadin, belê rengekî vajî wî. Mirov di heyrê de dimîne, çawa yek bi vî rengî ji halekî di keve halekî din û vî qasî tê guhertin!! >>> Berdewam bike..

		ÇAND Û CIVAK Adar Jiyan
		Dergûşa şaristaniya gelan, navend û çavkaniya çanda civakên dîrokî, xaka Mezopotamyayê ye. Gelê kurd jî, yek ji gelê Mezopotamyayê û Rojhilata Navîn ê herî qedîm û kevnar e. Her wiha xwediyê çandeke dewlemend, erdnîgariyeke adan û welatekî bi xêr û bêr e. Gava ku Mezopotmaya an jî Mezrabotan tê gotin, çand, huner û dîrok, belê nemaze çand, huner û dîroka gelê kurd tê bîra mirov. Ew xaka adan, di navbera Dîcle û Feratê de cih digire. Bi xwîn û xwêdana bav û bapîrên kurdan hatiye stirandin û bi çand û hunera wan hatiye neqişandin. Bêşik li ser vê xakê gelek şaristanî û çanda gelên din jî zîl daye. Wekî asûrî, ermenî, ereb û peyre tirk hwd. jî li ser vê xakê jiyane û şaristaniyên dîrokî afirandine. Belê îro ro jiyan, li ser vê xakê li wan hatiye herimandin û heramkirin. Çand, huner û wêjeya wan hatiye bişavtin; welatê wan hatiye dagirkirin û nirx û hêjahiyên wan ên arîşî û daringî hatine talankirin. >>> Berdewam bike..

		ŞERMOLA Berzan Birîvî
		Şermola….. Bazargeha laşan Ji her alî laşên pîr ên ciwan… Dihatin bazara te. Bi rûmet û ser bilindahî Te her tişt dikirî Laşên bê can, nas û biyan, Zarokî xortî kalemêrî Qîzî jin û pîrî Diz û keleş î comerd û mêr. Şermola… Meyxana serxweşanî Veşargeha qumarçiyan, >>> Berdewam bike..

		NAVÊ TE Dîlan Şewqî
		Gava navê te tê ser ziman..; dil bi ser dikeve…!! kêlîkekê an didwan, carna wê şevê pê de.. dibim wek marê perçivî ; xwe li hevdû dizîvirînim…!! Bîranînên te, yên tal û şêrîn li ser masê >>> Berdewam bike..

		KÎ AMADE YE? Bavê Jîn
		Li rojavayê Kurdistanê, di van neh-deh salên dawî de hejmareke mezin ji nivîskarên kurd berz bûn. Gelek helbest, çîrok, pexşan, gotar û roman belav kirine. Gava ev keys tê pêşiya nivîskaran, tiştekî balkêş, rind û hêja ye heger mirov bikaribe vê keysê ji dest xwe benerde, û di dema wê de bi zanîn bi dest xe wê hêjayîtir be… Lê tiştê ne li bala me bû, û weke mirovekî xwendevan dixwazim bi peyivim, li ser vê hejmara nivîskaran! Gelo ev tev de nivîskar in an dixwazin bibin nivîskar? >>> Berdewam bike..

		BENDEWARIYEK Mihemed Efîf Huseynî Weger ji erebî: Zîn Emîn
		Wiha rûniştî ne Bi tenê......bêrîkên wan bi kulîlka leymûnê Têne dagirtin Dilên wan bi masiyên zêrîn Rûniştîne ....gupikin ser erdê diweşin Heydana pirtikê ji qulingê ...... ...... wiha.....wiha salên wan di pirtûkan û şahberûyên birajtî de dişewitin >>> Berdewam bike..

		ŞERÊ QEWALÊN ÊZIDIYAN Û SOFIYÊN MISILMANAN: ŞERÊ MIRZIKÊ ZAZA Û DERWÊŞ NEBÎ Salihê Kevirbirî
		Wekî tê zanîn, bi sedên salan gelê Kurd, çi misilman çi jî êzîdî, li herêmên curbecur ên welêt jiyana xwe bi hev re derbas kirine. Ligel ku piraniya vê jiyana hevbeş di nava aramî û dilxweşiyekê de derbas bûbe jî, carinan ji ber sedemên nezanî û polîtîkayên xêrnexwaz ev gel ku bi tenê ji hêla dîn ve ji hev vediqetin, li hev sor bûne, talanên hev birine, mêr ji hev kuştine û bar kirine. Bi taybetî di 150-200 salên dawî de gelek qewimînên nexweş pêk hatine û ev yek jî bûye sedem ku êş û janên giran bikeve nava misilman û êzîdiyên Kurd. Ev êş û azar, ji ber ku nehatine nivîsîn, bi saya serê dengbêj, çîrokbêj, goyende û goranîbêjan ve heta îro hatine. >>> Berdewam bike..

		GERA KESAYETIYÊN CÊWÎK Salih Turan
		Di hestên pêknehatî de difetisim. Gewriya min ji rayên xwe ve mîna tîrê polayî dişide bêhna min teng dike. Nejiyîna wan hestên bi hesûdî ji min hatine revandin dibe bextreşî û li stuyê min tê girêdan. Dikevim ramanên ku hemû heskirinên min ên ji dilê safî ne. Lewre ew raman ez bixwe avêtime ber deriyên qesrên ku bêxwedî mane. >>> Berdewam bike..

		BARZAN BEHŞTA HEŞT DERÎ Loloxan - Hisiça
		1-Dilber hilat deşt û kelat derya xebat Barzan beheşta heşt derî 2-Dilber jiyan şewqa beyan helmet viyan Barzan firişta sur perî 3-Dilber netew hilbû ji xew şoreş bedew Barzan şepala dêm zerî 4-Dilber Cehîr mahî gizîr kêwsan xetîr Barzan xedengên agirî 5-Dilber civan çehre revan bala kevan Barzan şilêr dil kerkirî >>> Berdewam bike..

		DI EDEBIYATÊ DE MÎZAH Û PIRTÛKA EVDILE KOÇER: GOVENDISTAN Lokman Polat
		Di edebiyata cîhanê de mîzah ciheke girîng digre. Berhemên mîzahî ji alî xwendevanên ku ji mîzahê hez dikin, bi dilxweşî tên xwendin. Di gelek welatan de, kovarên taybetî yên ku naveroka wan bi temamî mîzah e, tên weşandin. Di edebiyata kurdî de berhemên mîzahî hindik in. Edebiyata kurdî a devkî ji hêla mîzahî ve gelek dewlemend e. Qelsî, xwe di hêla nivîsê de dide nîşandan. Nivîskarên ku berhemên mîzahî diafirînin çend kes in, loma jî pirtûkên mîzahî hindik tên weşandinê. >>> Berdewam bike..

		MÎR GIRIFTARO Mihemed Şêxo
		Li çiyan bîranînek heye Herdem tiliyên me dixwerîne... Ji rû toza xewanan... diweşînim. Bûme pêlek kevzê Çirîskan li ser hev datînim; Min ranexistiye şeva bê deng Gurzên pirsan Bihane, şûr Bihna xwe ji wan digre Û xwe ... vedide Eger biryarên te mûm bin? >>> Berdewam bike..

		MA TU NEMÊR Î? Sirri Ayhan Ji tirkî: Salihê Kevirbirî û Ikramê Balekanî
		Di cûtaya leşkerî de Elî tê girtin û rastî gelek tad û nerehetiyan tê. Ew digel ku li gelek cihan tê şikencekirin û du mehan di bin çavan de dimîne jî tu sûcekî qebûl nake. Di vê navberê de ligel nerehetiyên cur bi cur bi nexweşiya weremê dikeve û tenê çerm û hestî dimîne. Piştî ku wî derdixin pêşberê dadger wî dişînin girtîgeha Dîlokê. Gardiyan wî dikişînin goşeyekî û gazî berber dikin, serê Elî ditiraşin. >>> Berdewam bike..

		HEY BÛHAR IM Xemcivîn
		Hey buhar im, bi te hatim… bi te hatim… wa bilbilim, te geş bikim; wa qazim mizgînê bi te bidim hey buhar im, ez çi me? deşt û mêrg im lema bîstanê hêviyê me? >>> Berdewam bike..

		MEYCANA DIL Imer Kalo
		Piştî razandina dil bi gelek salan di girtîngehên kul û derdan de, û li ser wî bi hirinan rabibû toz û kûllika dijwarî û perîşaniya valahiya demeke tarî, û sînorekî bilind ji têlên rêsayî li dorhêl û di navbera wî û jiyanê de hatibû danîn, ango bibû dîlekî neçar ji erkên heyîna mirovan re. Lê tora nêçîra keçek kurd hêja û ciwan ji rewşa wî ya dijwar pir bi hêztir bû, nêçirvaneke pir jîr û jêhatî bû, karibû bi hêsanî dil di deriya evîna xwe de bigirta, û derî û pencereyên dilê xemgîn li xwe vekirana, giyan ji nû ve diyarî wî bikira, piştî razandina dirêj ew li xwe bikira şiyar. >>> Berdewam bike..

		MIZGÎNÊ Bavê Şiyar
		Mizgînê..!! Gula bi bîn şêrînê, porsorê, rû geş û çav şînê… Mizgînê!! ma 11 sal bes bûn, tu dilê me bisotînê? ew jîr bûn, ew zanyarî, >>> Berdewam bike..

		ANAHÎTA Bîrwerê Gênco
		Her ku roj Di paş perdeya rojavayê Werdibe şev, kirasekî reş bi stêran xemilandî di bejna xwe werdide û li ser nivîna gerdûn mêvandariyê dike.. >>> Berdewam bike..

		ÇIRAXÊ ŞEV Kovan
		Vê şevê dapoşram Ne ji nişkvîn Ji cawîdan Lew di şev çirax amêz Ev çiraxê geş, tengijî Pijikî ji evîna şev Hilavêt keştî'a pirjîn Ber pêlên deryayê vale, tarîk Ne çêker diyare Ne dîrok Ne bender diyare Ne deriya Rêvingim di rêvingê da Xelekim ji zincîrê >>> Berdewam bike..

-----------------------------------------------------------------------------------------------------------------------------  copyright © 2000-2002 amude.com [ info@amude.com ]