| |
|
|
 | ||||||
| Kovara malpera Amûdê - mehane, çandeyî, wêjeyî û hunerî | Hejmar 21 - 21.10.2002 | |||||
| ||||||
| ||||||
| ||||||
| [ amude.com/nivis] [ nivis@amude.com] | ||||||
| ||||||
| ||||||
| [DESTPÊK] | [EDÎTOR] | [TÊKILÎ] | [ERŞÎV] |
|
ŞERMOLA Berzan Birîvî
|
|||||
Bazargeha laşan Ji her alî laşên pîr ên ciwan… Dihatin bazara te. Bi rûmet û ser bilindahî Te her tişt dikirî Laşên bê can, nas û biyan, Zarokî xortî kalemêrî Qîzî jin û pîrî Diz û keleş î comerd û mêr. Şermola… Meyxana serxweşanî Veşargeha qumarçiyan, Çayxana dînanî Gulistana sêwiyanî Sirgongeha zarokên bê guneh, Hinna dest û serê qîz û bûkan, Seyrangeha dê û bavên… Kezeb û dil windakir, Şermola……… te her tişt vedişart û min Ji bîr dikir. Tenê ……. Te nikarîbû veşarta Û min ji bîr bikiraî SÎH û HEFT û… êzingên ergûna şoreşa ((CEZA'ÎR)) Êzingên birrandî… Ji kenê devê zarokan, Dema şa dibûn
Bi tavek baran ji dana xwedan Bi qurtek şîr ji pêsîra dayika xwe Şermola…….. Bi wê firehbûna sînga te Bi wê payebûna kevnarbûna te Te nikarîbû û tu nikarî… Wî kenî wan lepên biçûk.. Bi dawa hevdû girtî Wê qêrînê wan hêsiran veşêr, Û ne ez karim Wê bîhnê wan dayikan Wê hewarê Ji bîr bikim. Şermola………. piştî temenekî mîna temenê xwedê Dayê ((MESÎH)) Careke din hin… Xwelya hetîketiyeke din Hatî bi ser te de Û te ew himbêz kirin Mîna zarokên xwe Lê ne te karîbû ew hetîketî veşarta Û ne min ji bîr bikira Şermola…….. Tê rojekê Bê xwestin govan Li dadgeha xwedahî Dadwer ez û ayinrê… Ji cerg û hinavê şewitî Pirsên min ji te: çi ji ter digotin zarokên… Di çêrya paşî de bi kom di hatin mêvanê te? Te ji wan pirs nekir çima zû hatin birrîn Ji refên Hevalên xwe? Ew tilyên wanî elesa şekirê Mêtinê hîn têde bû Ma ketibû çavên jinên wanî pûşt? Ta ku dane biraştin! Ma serê wanî por zerî Kuling li pozê Wanî nikilî xistibû? Ta ku dane kizirandin! Yan zimanê Wanî ku… Hîn gotin xweş nezanîbû… Dûrik li ser civata wanî genî di gotin? Ta ew zimanê biçûk Bi pêlên agir di bişaftin! Şermola…… Ji te tê xwestin tu alîkar be bi dadgehêre Wî pakrewnê Effat ji mirovên xwe Bişîn da ku bigerî Li bajaranî asîmanan Li bin axa her mezelanî Wan mêrkujan bîne ber destê min Da ez wan dadbirrîn bikim Bi ayinrêya cerg û hinavê şewitî!!!! Ez ne hov im Ku ez zor û setemê bi wan bikim, Lê piştî pirs û bersiva venûsîn Ezê Li gor gunehên wan dadbirrînê bikim Gotina pêşyê min ((hHemo Rabî)) Nemûna min, çav bi çav û diran bi diran Û yê pêşî sitemkartirî. Amûdê, 06.10.2000 di bîranîna 40 saliya şewata sînema Amûdê (13.11.1960)
|
|||||
|
----------------------------------------------------------------------------------------------------------------------------- copyright © 2000-2002 amude.com [ info@amude.com ] |
