amude.com/nivis: Kovara Nivîs


	Kovara malpera Amûdê - mehane, çandeyî, wêjeyî û hunerî	Hejmar 20 - 21.09.2002



	[ amude.com/nivis] [ nivis@amude.com]

[DESTPÊK]

[EDÎTOR]

[TÊKILÎ]

[ERŞÎV]

ÇEND WÊNE

Konê Reş - Qamişlo

>>> Konê Reş kî ye? <<<

Konê Reş

-1-

Bahozê ji rewrewkê re got:
- Bi dûrkeve, xwe bide alî,
Te xelk bizdandin bi dîtina wan
Pêlên derewîn.
Rewrewkê lê vegerand:
- Ta ko sitemkarên wek te hebin,
Wê xapînokên wek min jî hebin
De ka emê herdu xwe nema bikin?!

-2-

Dara Hinarê gazî dara Zeytûnê kir:
- Wa dara Zeytûnê !
çima tu jî xwe wek min tazî û rût nakî?
Dara Zeytûnê lê vegerand:
- Heger te zanîba bê çendî tu kirêt û
megrûdî ye, te jî xwe tazî ne dikir…

-3-

Qenco ji neqenco pirsî:
- Pepûko! çi te daye pey qevciyê û
zarokên te têr nan naxwin!
De hela tu jî weke min bike,
Tê bibîne bê çawa rewşa te xweş dibe..
Qenco lê vegerand:
- Ji ber yên weke min, yên weke te hene
Zarokên te para zarokên min dixwin
Ezê weke xwe bimînim tu wek xwe bimîne
Mane Kurdan ji mêj ve gotine:
"Qenc kiro bi xwe kiro, xerab kirio bi xwe kiro"

-4-

Yê bê şerm û fedî gazî birayê xwe
Yê bi şerm û fedî kir:
- Çima tu wisa bi kul, xem û êşî?
Birayê wî lê vegerand:
Heger bêvla te bi şewitya
Bê gûman tê jî weke min bi kul û keser ba..

<<< Veger rûpela destpêkê