amude.com/nivis: Kovara Nivîs


	Kovara malpera Amûdê - mehane, çandeyî, wêjeyî û hunerî	Hejmar 20 - 21.09.2002



	[ amude.com/nivis] [ nivis@amude.com]

[DESTPÊK]

[EDÎTOR]

[TÊKILÎ]

[ERŞÎV]

ÇINÎNA MESTIYÊ

Hefîz Ebdilrehman - Qamişlo

e-mail: e_hefiz@amude.com

Hefîz Ebdilrehman

Kewek e.
  pişkivîna kenê te
    di mista min de.
  mestiyeke xalxalokî
    bi dûvikê nerînan
    li spehîtiya berbanga xumalî
                                       dipêçe.

Zeviyê jehan
  bi zimanê meyê
    bedewiya hejêkirina rojhilatî
                                      dimeyîne.

    kêlîkên xapînok didoşe.
    sînorên kûvî kedî dike.

Û hespê henasayî semaker.
  bi diljenek e neliwext
    meqamê "Hûrizî"
  di rekeha "Xurfanî" de
dikeyîne.

Bi lîlan.
    alên zayîna pêxemberekî
    li hêlên nexşeya evînê
                                      belav dike.

Û bi zengilên cejna çinînê
    borîzanên werzayî xilmaşbûyî
                                       dihilçenîne.

Kilîlên hembêza bajêr
    ji serkarwan re
                                      radixe.

    beranê şermiyê
        li ber piyên wî
                                      serjê dike.

Bi şahî.
    destlimêja gumanên laş
    bi behweriyên xweşiyê
                                      dişkîne.

    Bi qebe-qeb
                                      bang dide!

<<< Veger rûpela destpêkê