amude.com/nivis: Kovara Nivîs


	Kovara malpera Amûdê - mehane, çandeyî, wêjeyî û hunerî	Hejmar 20 - 21.09.2002



	[ amude.com/nivis] [ nivis@amude.com]

[DESTPÊK]

[EDÎTOR]

[TÊKILÎ]

[ERŞÎV]

DU HELBEST

Dîlan Şewqî - Serê Kaniyê
e-mail: dilana@amude.com

Vegere

Payîz
li ser reva
tilûran siwar e;
û dêrika çavên te,
biyaniyê pûç dike...!!
De veger
ji bo tutina Amedê,
wek dilê te
zû vêkeve …!!
Em ê dîsa
wek du destên nerm û sivik,
li têlên baranê bidin…
Dîno ew çi awaz bûn?
Ger xanî ne cotar ba
me nê ji ku de
Fisteqê evînê bixwarana..?

Şam, 6-6-2002

De were

De were,
em ê tariyê veçirînin;
û dûrbûnê bi nêzîkbûnê bidin..!!
De were,
em herin nêçîra
xewna Mem û Zînê …
bela,
xewa vê bêdengiyê bişikê ;
bela,
Tacidîn agir bi qesrê xîne…!!
De were,
ji bo xuncên
gul û kulîlkan ne weşin…!!
De were,
berî stêr bixeyidin ,
û berî dengê Beqan
bê te birrîn …!!

Serê Kaniyê, 01-12-1997

<<< Veger rûpela destpêkê