amude.com/nivis: Kovara Nivîs


	Kovara malpera Amûdê - mehane, çandeyî, wêjeyî û hunerî	Hejmar 20 - 21.09.2002



	[ amude.com/nivis] [ nivis@amude.com]

[DESTPÊK]

[EDÎTOR]

[TÊKILÎ]

[ERŞÎV]

BAJARVANIYA PIRSÊN 2000Î

Baran Sindî

( ji bo Şêrko yê ji me dûr )

Li kîj cihî,
          Sirûda bajarên wêran
                               Lê dikî tu?
Li kîj baxî,
          Leylanan bi şîniya daran
                               Dirêsî tu?
Li kîj şarî,
          Pêjna keçên gundan
                    Ji lempeyên roniyê
                                         Vedidî tu?
Li kîj warî,
          Simên hespan, ji bin giyayê seridî,
                                         Dijimêrî tu?
Û di çi deryayan de,
          Kelekên vegerê berdidî tu?
Bêje min
Heye karibim ez
Ji parsûyên xwe
Xanîyekî ji te re
Li DEŞTA HESINAN ava bikim ez
Ji neynikên hêviyên xwe yên belav
Baxçeyan li dor biçînim ez
Û ji kaniyên wêraniya xwe ya bêdeng
Ava mêlê li nav re biherikînim ez
Û çengek ji axa dil
Ji kulîlkên jenên te re
Ji bist û leşker û sînoran bidizim
                                          Û bighînim te !

<<< Veger rûpela destpêkê