 |
|
04.07.2004 - 13:17
Hoşiyar Zîbarî: "Surya û
Îran piştgiriya
terorîstan dikin"
Hoşiyar Zîbarî |
London (amude.com) - Wezîrê Iraqê yê Derve
Hoşiyar Zîbarî piştrast kir, ku rêjîmên
Suryayê û Îranê piştgiriya
terorîzma li Iraqê dikin. Zîbarî ragihand
rojnameya ingilîzî "Sunday Telegraph", ku hikumeta Iraqê
belge bi dest xistine, ku destê wan herdu rêjîman
di karên terorîstyane li Iraqê de ne. Herweha Zîbarî
eşkere kir, ku ew dê di rojên bê de van kiryaran
bi belgeyan piştrast bikin.
Rojnameya ingilîzî herweha
radigihîne, ku çavkaniyên wê di hikumeta
Iraqê de eşkere kirine, ku Surya û Îranê di nav welatan
de ne, yên ku di warê aborî û locîstîkê
de piştgiriya terorîzman dikin. Zîbarî got: "Ji dema
ku em xwe mijûlî karûbarên paraztinê dikin, em
dibînin ku rêjîmên biyanî piştgiriya
terorîstan dikin. Em nizanin çima ew vê yekê dikin.
Lêbelê em dizanin bê piştgirî ji kû derê
tê. Em dê vê yekê di rojên bê de bi belgeyan
eşkere bikin."
|
|
|
veger rûpela destpêkê