 |
|
03.02.2004 - 14:27
Komkujiya li Hewlêrê hişt ku YNKe jî beşdarî
xwepêşandana li Elmanyayê bibe
KÖLN (amude.com) - Rêxistina Elmanyayê ya Yekîtiya
Niştimanî ya Kurdistanê (YNK) dê beşdarî
xwepêşandana hêzên kurdistanî bibe, ya ku
dê şemiya bê li bajarê Köln li Elmanyayê
pêk were. Ji ber slogana xwepêşandanê "Kerkuk
dilê Kurdistan e" YNKê pêşî nedixwest li
gel kurdistaniyan piştgiriya başûrê Kurdistanê bike.
Di civîna xwe ya yekşema borî de, partiyên
Hevkarî li Elmanyayê 7 demjimêran li gel YNKê
guftûgo kirin, da ku bihêlin ku ew jî beşdarî
xwepêşandanê bibin. Lê YNKê ji slogana
xwepêşandanê ne razîbû. Sedema nerazîbûna
wê jî ew bû, ku gotina "Kerkuk dilê Kurdistan e"
ya mele Mistefayê Barzanî ye. Wê pêşniyaz dikir,
ku gotina Celal Talbanî "Kerkuk Qudsa Kurdistan e" bibe slogana
xwepêşandanê. Hin kesên ku beşdarî
civînê bûbûn, ragihandin Malpea Amûdê
ku wan "qirka xwe qetand, da ku hevalên YNKê jî
beşdarî xwepêşandanê bibin." Lê dawî
YNKê li ser a xwe ma û biryara xwe ya nebeşdarbûnê
neguhert.
Îro endamekî Hevkarî ragihand Malpera Amûdê, ku
piştî êrîşên terorîstyane li dijî
kurdan li Hewlêrê, YNKê biryara xwe guhert û dê
beşdarî xwepêşandana piştgiriyê
ji bo başûrê Kurdistanê bibe.
|
|
|
veger rûpela destpêkê