 |
|
23.07.2004 - 00:01
Elmanya kerta sor da malbateke kurd
>> Sultan Sevda
|
WEHR (amude.com) - Hikumeta Elmanyayê dixwaze penabera kurd
a 19e salî Sultan Şevda û malbata wê vegerîne
Tirkiyeyê. Li gel ku ev 145 sal in, ku Sultan li gel
dê û bav, sê xuşk û du birayên xwe
li Elmanyayê dijî, wan mafê penaberiyê wernegirtiye
û niha ji wan tê xwestin, ku ji Elmanyayê derkevin
û vegerin Tirkiyeyê. Sultan naxwaze vegere û dibêje,
ku ew "li Tirkiyeyê xwe weke miroveke biyanî" hest dike.
Rojnameya elmanî "Sûd Kurier" raporteke berfireh
li ser keça kurd Sultan Şevda û biryara şandina
wê û mabata wê bo Tirkiyeyê weşandiye. Di
vê raportê de, Sultan radigihîne, ku wê niha
erêkirina kar û xwendinê wergirtiye. Lê ev yek
alîkariya wê nake. Dezgeha Penaberiyê ya Federal
doza malbata Şevda bo wergirtina mafê penaberiyê
ne pejirand. Wê biryar standiye, ku ev malbata kurd
ji Elmanyayê derkeve û vegere Tirkiyeyê. Malbata
Şevda berî 15e salan ji ber sedemine polîtîkî
koçberî Elmanyayê bû.
Di van salên dawî de, hikumeta Elmanyayê doza hejmareke
mezin ju penaberên kurd bo mafê penaberiyê ne pejirand.
Bi taybetî kurdên başûrê-rojavayî û
bakurê Kurdistanê kêm mafê penaberiyê werdigirin.
Bi hezaran ji wan gelek salan derbas dikin, bêyî ku mafê
rûniştinê bistînin. Elmanyayê zagonên xwe
yên penaberiyê guhertine û dijwar bûye, ku
kurd êdî bikaribin êne Elmanyayê û mafê
penaberiyê bistînin.
|
|
|
veger rûpela destpêkê