 |
|
14.01.2004 - 17:54
Bêtirî 86% ji kurdên Başûr
federalîzma bêyî Kerkukê napejirînin
DIHOK (amude.com) - Di rapirsekê de li başûrê
Kurdistanê, 86,71% ji kurdan federalîzma bê Kerkukê
napejirînin. 7,64% ji kesên ku pirs ji wan hate kirin, erêkirina xwe
dan sîstemeke federal bo kurdan bêyî hebûna Kerkukê
tê de, û 5,65% ji wan nerîna xwe eşkere nekirin. Rapirs
ji aliyê Navenda Fikrî ve hate kirin.
Di rapirsê de, ev pirs "Nerîna te di federalîzma
kurdî bêyî Kerkukê çi ye? Tu vê yekê
dipejirînî?" ji 602 kesan hate kirin.
Ji wan 522an "na" gotin û 46an "erê" bersivandin; 34an dengê
xwe nedan.
Hêjayî gotinê ye, ku berî çend rojan
kurdên Başûr lihevhatineke li gel ereb û emerîkiyan
pêk anîn, ku desthilata wan a li wîlayetên Hewlêr,
Dihok û Silêmanî garantî dike. Ji bo çareserkirina pirsa
wîlayetên Kerkuk, Musil û Xaniqîn, dî di sala
2005 an 2006an de guftûgo bêne kirin.
|
|
|
veger rûpela destpêkê