www.amude.com - navenda çanda kurdî 10.01.2004 - 01:12 Radyoya Navneteweyî ya Swêdê weşanên bi zimanê kurdî dirêjtir kir Cemal Batun û Nasser Sîna di studoya Zayele de li Stockholmê (wêne: S. H. Berko) >>www.sr.se/rs/red/ind_kur.html STOCKHOLM (amude.com) - Bi destpêka sala 2004an ve, weşanên beşê kurdî yê radyoya Swêdê ya navneteweyî (Zayele) nîv seetê dirêjtir bû. Bi vê yekê, radyoya Zayele dê 4 caran di hefteyê de programên bi zimanê kurdî biweşîne. Li gorî statîstîkan, weşanên bi zimanê kurdî di nav kanala navneteweyî ya eadyoya Swêdê de, yek ji bernameyên herî zêde têne guhdarîkirin e. Li gorî agahdariyên Zayele, di vê demê de gengeşiyeke pêk tê, ku di roja Newrozê de weşanên kurdî li ser pêla kurt jî nîv seetê bên dirêjkirin. Di radyoya Zayele de sê karmendên kurd programan amade û pêşkêş dikin. Di destpêkê de, Nasir Sîna ji rojhilatê Kurdistanê bi tenê li wir kar dikir. Piştre Cemal Batun ji Bakur kete radyoyê. Xanim Nefel Ebdilrehman ji başûrê Kurdistanê ji destpêka vê salê ve beşdarî xebata radyoyê bûye. Niha radyoya navneteweyî ya Swêdê (SR International) di van deman de bi zimanê kurdî weşanê dike: Duşem: 10:30 (Skandînavya) Çarşem: 10:30 (Skandînavya) Şemî: 17:20 (Skandînavya), 22:45 (Stockholma mezin) Yekşem: 17:00 (bi dema Grînitş UTC, li ser pêla kurt) Ji bo agahdariyên zêdetir û têkiliya bi Zayele re: tel: +46 (0) 8 7845934 Nasser Sîna: +46 (0) 73 9909704 Cemal Batun: +46 (0) 70 7721268   veger rûpela destpêkê  copyright © 2000-2003 amude.com [ info@amude.com ]