 |
|
29.02.2004 - 21:10
Osman Ocalan dev ji partiya xwe berdaye yan na?
STENBOL/DORTMUND (dîha/amude.com) - Serokê Kongra-Gel Zubeyir Aydar ragihand, ku
Osman Ocalan, Nîzamettîn Taş, Kanî Yilmaz û 100 kesên din dev ji Kongra-Gel
bernedane. Aydar got, ku "çend kes ji bo ku li derveyî endametiyê
tevgeriyane", dê biçin pêşiya lijneya dîsîplînê.
Lê wî diyar nekir bê ev kes kî ne û wan çi kiriye.
Malpera "nasname.com" berî çend rojan ragihand, ku
Osman Ocalan û çend kesên din dev ji Kongra-Gel
berdane.
Di daxuyaniyekê de bi zimanê tirkî, ku
di "nasname.com" de hatiye weşandin, Osman Ocalan û hevalên wî eşkere
dikin, ku ew ji Kongra-Gel veneqetiyane û neçûne xwe teslîmî
emerîkiyan nekirine. Rojnameya erebî "el-Hayat" di hejmara
xwe ya îroj de nûçeyek weşandiye û
tê de xweteslîmkirina Ocalanî ji bo emerîkiyan
piştrast dike.
Malpera Amûdê îroj çend caran telefonî berpirsê
malpera "nasname.com" Şükrü Gülmüş kir, da ku agahiyên
berfirh derbarî daxuyaniyên Osman Ocalanî
peyda bike. Lê Gülmüş
ne li malê bû û ne jî bêrîkfona
wî vekirî bû.
Zubeyir Aydar di hevpeyvînekê de bi
Ajansa Nûçeyan a Mezopotamyayê (MHA) re eşkere kir, ku belavkirina
nûçeyên weha "tevlihevkirina serê mirovan" e.
Wî got: "Mebesta van nûçeyan berhevdayîna me ye û navenda van nûçeyan
jî navenda şerê derûnî ye."
Nêzîk li Tirkiyeyê dê hilbijartinên herêmî
pêk werin. Di nav DEHAPê de, ku rêxistineke
Kongra-Gel tê hesibandin, problêm çêbûne
û hin siyasetvanan xwe jê veqetandine û dê
wekî kesên serbixwe beşdarî hilbijartinan bibin.
Şaredarê Amedê Ferîdun Çelik berî
çend rojan veqetandina xwe ji DEHAPê daxuyand
û eşkere kir, ku ew ê wekî berendamekêi serbixwe
beşdarî hilbijartinên di 28ê adarê de bibe.
Piştî vê yekê, DEHAPê Çelik û
çend kesên din ji partiyê avêtin
û dest bi kampanyayeke êrîşê li dijî
wan kiriye.
|
|
|
veger rûpela destpêkê