 |
|
14.05.2004 - 23:57
Leyla Zana êrîşî
piştgira xwe ya elman dike
 
Leyla Zana & Claudia Roth
|
STENBOL (mha/afp/amude.com) - Di nameyeke
vekirî de, parlamentera berê ya DEPê Leyla Zana êrîşî berpirsa karûbarên
mafên mirovan a hikumeta Elmanyayê Claudia Roth dike. Zana ji
Roth dixwaze, ku bila ew "xwe mîna mezinan pêşkêş ke
û dev ji "şo" (show) û xwepêşkêşkirina
vala berde." Herweha Zana "bazarvaniya" di navbera Roth û
serokwezîrê Tirkiyeyê Recep Erdogan de protesto dike.
Di çapemeniya tirkî de hate ragihandin, ku
Roth ji Erdogan re eşkere kiriye, ku Elmanyayê
dê çekan bide Tirkiyeyê, ger ew Zana ji
zindanê derxîne. Claudia Roth ji bo çend rojan
serdana Tirkiyeyê û bakurê Kurdistanê kir
û doza serbestberdana Zana û herweha misogerkirina
mafên mirovan li Tirkiyeyê kir.
Leyla Zana di nameya xwe de ji Claudia Roth dixwaze, ku ew "mîna berê
li dijî şer demokrasiyê têbikoşe". Herweha
Zana bicîkirina Kongra Gel di lîsteya terorîstê de
ji aliyê Yekîtiya Ewropayê (YE) ve rexne dike û dibêje,
ku YE tiştekî li dijî îzolasyona Ebdela Ocalan nake.
Di civîna çapemeniyê ya dawî ya serdana Tirkiyeyê de,
Parlamentera elmanî Claudia Roth li Stenbolê diyar kir, ku
ew ji bo vê nameya Leyla Zana ecêbmayî maye û bawer nekir,
ku ev name bi rastî jî ji aliyê Zana ve hatibe nivîsandin.
Claudia Roth siyasetvaneke çalak e. Wê û partiya wê ya
Keskan gelek xebat bo doza gelê kurd kirine û dikin. Partiya
Keskan a Elmanyayê tim eşkere kiriye, ku ew
li dijî bazarvaniya çekan bi wan welatan re ye,
yên ku mafên mirovan binpê dikin. Ev helwesta
wan gelek caran bû sedema konflîktên mezin
di nav hikumeta Elmanyayê de, ya ku ji Partiya
Keskan û Partiya Sosyaldemokrat ve pêk tê.
|
|
|
veger rûpela destpêkê