 |
|
20.02.2004 - 19:07
>> Leyla Zana
|
Leyla Zana dê di zindanê de bimîne
ENQERE (sf/dîha/amude.com) - Siyasetvana kurd Leyla Zana (42) dê di zindanên
Tirkiyeyê de bimîne. Dadgeheke li Enqereyê îroj
biryar da, ku Zana û 3 hevalên wê berî dema
xwe serbest neyên berdan. Endamê Perlemana Ewropayê
Joost Lagendijk ji Holendayê li dadgehê amade bû û
piştî biryara dadgehê got, ku divê berpirsê dadgehê
biryarê bide, bê ew dixwaze bibe endamekî Tirkiyeya
nû yan a kevn.
Leyla Zana ji rojnamevanan re gotibû, ku ji xwe ew tu hêviyê nema
ji dadgehê dike û ji ber wê yekê ew û hevalên xwe ew ê nepeyivin. Zana got:
"Ez bawer nakim, ku biryara tahliyeyê ji vê rûniştinê derkeve." Herweha
parêzerên wê jî gotibûn, ku wan hemû rêyên hiqûqî
ceribandin û êdî tiştekî ku ew lê zêde bikin, nemaye.
Leyla Zana, Hatîp Dîcle, Orhan Dogan û Selîm Sadak di sala
1991ê de bûbûn endamên Perlemana Tirkiyeyê
û di 1994an de ji bo siyaseta wan a ji bo kurdan hatin girtin. Di sala 1995an de,
Leyla Zana xelata Sacharow a mafên mirovan a Perlemana Ewropayê wergirt.
|
|
|
veger rûpela destpêkê