 |
|||||
 |
|||||
| www.amude.com - navenda çanda kurdî | |||||
 |
|||||
|
|
24.02.2004 - 16:45 Pirtûkeke Hoşeng Broka ya helbestê ya nû derket
Ji bilî vê pirtûka nû, ta niha 4 pirtûkên Broka hatine çapkirin, ji wan 3 ê dîwanên helbestê ("Bawişkandin ji kopên minareyên razayî" (Elmanya/1995), "Serborkên çarşembên tozê" (Swêd/1999) û "Keskê dawî di cenazeya Xwedê de" (Stenbol, 2003)) û herweha lêkolîneke bi zimanê erebî bi navê "Mîtolojiya Êzdiyatiyê" (1995). Hoşeng Broka di sala 1969an de li gundê bajarê Tirbesipiyê Tilxatûnkê li başûrê-rojavayî Kurdistanê ji dayik bûye. Di sala 1994an de dîploma sosyolojiyê li zankoya Şamê wergirtiye, berî ku di zivistana 1994an de koçberî Elmanyayê bibe. Helbestvan niha li bajarê Bielefeld dimîne. Naveroka pirtûkê: - Rê, ku min distirînin, ji pêkên payîza navê te diweşin/r. 11 - Aliyê navê te/r. 31 - Ku tu rûkê xwe li ser awêna navê min ji bîr dikî/r. 45 - Bîra tazîbûnê/r. 55 - Êvarê, berî tu bigrî, tiştên min bêriya tiştên te dikin/r. 69 - Berî destên te, û piştî destên te/ r.83 - Derengî helbestê, weha navê min û te pêrgî hev tên/r. 99 - Yara derengî mûma derengî meya derengî bajêr/r. 111 Malpera Amûdê berî niha helbesteke ji pirtûka Broka ya nû di "Êvar Baş" de weşandiye. Niha ew 3 kurtehelbestan pêşkêş dike: Tu... berî ku hêsirên te; yên ji bîra nêrgizan, destên min haşt bikin, çûyî, û te ez mîna rêyeke bê westan û bilez, ku bazbidî gavên te, û mîna bilûreke ji avê, di bîra gula "Min ji bîr neke" û qehwa ji sibehên zengilên bendemanê de, li şûn payîza navê xwe, hiştim.(r. 29) VI Rûkê te, ku aliyê lêvên min e, petî ye, mîna bîra awênê.(r. 52) VII Rûkê te, dîroka heyvê ye, ku êşê distirîne. Rûkê te, mezintirîn çîroka gîhê û baranê ye, ku nêrgizên navê min û te, hildide.(r. 53) >> E-Mail: hoshengbroka@hotmail.com |
|
|
|
|
| ||
| ||||
|
 veger rûpela destpêkê |
|
| ||
|
copyright © 2000-2003
amude.com
[ info@amude.com ] |
|||||
|
|||||