 |
|||||
 |
|||||
| www.amude.com - navenda çanda kurdî | |||||
 |
|||||
|
|
10.05.2004 - 12:13
DORTMUND (amude.com) - Jin û mêr ne wek hev in. Tenê eger ew evîndar bin, nêzîkî hevdu dibin û mêr jintir dibin û jin mêrtir. Zanyara îtalî Donatella Marazzîtî û hevakarên wê li Zanîngeha Pîsa di lêkolînên xwe de eşkere kir, ku li cem mêrên evîndar hormonên cinsî testosteron1 bi şêweyekî mezin dadikevin, lê li cem hevalên wan ên jin bilind dibin. Lêkolînerên Zanîngeha Pîsayê hin hormonên bingehîn ên cuda di xwîna 12e mêr û 12e jinan de, yên ku di 6 mehên borî de dil ketibûn hevdu, derxistin û ew dan ber hormonên 24 kesên din ên neevîndar an jî di elaqeteke dirêj de bûn. Lêkolîneran dît, ku hormona strêsê Cortisol li cem jin û mêrên evîndar bilind dibe. Herweha hate naskirin, ku radeya hormona testosteron li cem mêrên evîndar nizimtir e ji ya mêrên din. Lê radeya testosteron li cem jinên evîndar bilindtir e. Donatella Marazzîtî ji rojnameya "New Scientist" re got: "Bi şêweyekî ji şêweyan, mêr bêtir dibin wek jinan, û jin dibin mîna mêran. Weha dixuye, ku sirûşt (natur) dixwaze newekheviya di navbera jin û mêran de tune bike, ji ber giringtir e ku ew di vê demê de nêzîkî hev bibin." Di vê demê de, ji û mêr gênên xwe digihîn hev. Tenê weha misoger dibe, ku ji vê têkiliyê zarok çêbibin. Lê piştî salekê yan du salan, radeya hormonan dîsa normal dibe û vedigere wek berê. --------------------------------------------------------------------------------- 1 Testosteron yek ji giringtirîn hormonên cinsî yên mêran e. Ew di hêkên mêrî de çêdibin. Herweha ew li cem jinan jî aktîv e. Testosteron berpirsiyar e bo stewyayîkirina cins, pêşxistina avikê û mezinkirina organê cinsî yê prîmêr ê mêran. |
|
|
|
|
| ||
| ||||
|
 veger rûpela destpêkê |
|
| ||
|
copyright © 2000-2003
amude.com
[ info@amude.com ] |
|||||
|
|||||