 |
|
15.07.2004 - 22:48
"Qamişlo" bera pijîşkên kurd ji Şamê da
ŞAM (qamislo.com/amude.com) - Ji ber nivîsandina peyva "Qamişlo"
li şûna "Qamişlî" wek ku bi erebî tê
nivîsandin, dezgeha ewlekariya leşkerî li Şamê mafê
rûniştinê û xwendina pijîşkiya
zarokan ji 3ê pijîşkên kurd stand û nehişt
ku ew xebata xwe berdewam bikin. Pijîşkên kurd
Mesûd Ehmed, Esed Şêxê û Kewkeb Mihemed
li ser hin rûpelan navê bajarê Qamişlo weha
nivîsandibûn, wek ku kurd wî binavdikin, ne
wek erebiya wê "Qamişlî". Berî niha jî
bêtirî 30 xwendekarên kurd ji zanîngehan
hatibûn avêtin, 11e ji wan bi şêweyekî
dawî.
Pijîşkên kurd Mesûd Ehmed,
Esed Şêxê û Kewkeb Mihemed xwendsina xwe
ya pijîşkiyê li zanîngehên Heleb
û Şamê bi dawî anîbû û
li Şama paytext xwendina taybetî ya pijîşkiya
zarokan dikir. Kurdên başûrê-rojavayî
Kurdistanê tîpa "o" bi bi "Qamişl" ve girêdidin
û jê re dibêjin "Qamişlo". Lê bi erebî
û di dezgehên fermî de, li şûna "o"
tîpa "î" tête nivîsandin û bi vê yekê
navê bajêr dibe "Qamişlî".
|
|
|
veger rûpela destpêkê