www.amude.com - navenda çanda kurdî 18.02.2004 - 02:33 Li Berlînê şehîdên Hewlêrê hatin bibîranîn Şêrwan Ebdilmecîd - BERLÎN (amude.com) - Şemiya borî, civîneke bibîranînê ji bo şehîdên Hewlêrê li paytexta Elmanyayê Berlîn bi beşdarbûna nêzikî 100 kesan ji berpirsiyarên partiyên kurdistanî, kesayetiyên kurd û iraqî û komele û saziyên kurdî pêk hat. Bîranîn bi rawestana deqeyetkê li ser giyanê şehîdên Kurdistan û Hewlerê û bi ledana sirûda neteweyî ya kurdî "Ey Reqîb" ji aliyê hunermend Demoqrat Taha ve dest pê kir. Di bernameya bibîîranînê de, gelek mesaj û axftin ji aliyê nûnerên partiyan û herweha hin beşdaran ve hatin pêşkêşkirin. Herweha ji bo xwendina navên şehîdan jî, her 10 nav ji aliyê kesekî ve, ku li wir amade bû, hate xwendin û ji mumên ku li ser maseyekê hatibûn danîn, ji bo her şehîdekî mumek hate pêxistin. Çend helbestvanên kurd jî hebestên xwe xwendin û çend perçeyên muzîkê jî hatin pêşkeşkirin. Di civînê de, gelek aliyên kurd û iraqî piştgiriya ferderalîzmê ji bo Kurdistanê û mafê çerenûs ji bo kurdan hate kirin. Herweha teror wekî dijminekî hevbeş yê mirovayetiyê hate eşkerekirin. Ji çapemeniya elmanî, televizyona RBB bibîranîn tomar kir û di nûçeyên xwe yên yekşemê de pêşkêş kir.   veger rûpela destpêkê  copyright © 2000-2003 amude.com [ info@amude.com ]