30.01.2003 - 02:10
"University of Dihok" - Pirtûka zanîngeha Dihokê derket
Hekar Findî - Dihok
DIHOK (amude.com) - Berî çend rojan, li Kurdistanê pirtûka "University of Dihok"
belav bû. Ev pirtûk wek rêberek an ketelokek li ser zanîngeha Dihokê tê
nîşandan.
Di despêkê pirtûkê de û piştî pêşgotin û bixêrhatinê, Parêzgeha Dihokê û cihên wê yên giring û şaristanî bi dûr û dirêjî tê behs kirin û nîşandan.
Herwiha di pirtûkê de behsa zankoyê bixwe ji roja damezirandina wê ta niha tê kirin.
Ji bilî van, pirtûkê rêkftinên zanîngeha Dihokê digel zanîngehên cîhanî jî nîşan dide û ciwaniya xwendinê li zanîngeha navbirî dide xuya kirin û beşên wê yên cuda dide nasîn û. Herwiha pirojeyên zanîngehê yên paşerojê û pilanên wê bo pêşvebirin uû pêşxistina rewaşa xwendine li zanîngehê diyar dike.
Ev pirtûk bi zimanê ingilîzî ye û ji berhevkirina xanim Sewsen El-Helebî ye. Ew bi 102 berperên renga-reng û bergek qeşeng û hêja li çapxaneya Wezareta Perwerdê li Hewlêrê çap bûye.
Hêja yî gotinê ye ku berî niha jî çend ketelok û rêberên bi vî rengî derketine. Lê ne wek vê bi berfirehî zanîngeh dida nasîn. Ev ketelok gelkî hêja ye ji bo wî kesê ku bixwaze hertiştî li ser zanîngeha Dihokê bizanibe .
|
|
