16.12.2002 - 20:53
Endamên komîteya Yekîtî ya siyasî li
Sûriyê hatin girtin
Merwan Osman
|
ŞAM (amude.com) - Li gor agahiyên rêxistina derve ya
"Partiya Yekîtî ya Kurd li Sûriyê", Merwan Osman û
Hesen Salih - du endamên komîteya siyasî ya partiyê -
li Şama paytext ji aliyê polîsên Sûriyê ve
hatin girtin.
Doh, 15.12an, demjimêr 11ê beyanî, Merwan Osman û
Hesen Salih çûn cem polîsan -li ser daxwaza van- û di cih
de bi fermana cigirê wezîrê navxweyî hatin girtin.
Partiya Yekîtî ya Kurd li Sûriyeyê di daxuyaniyekê de de
daxwaza berdana endamên xwe ji zindanên Sûriyê dike
û peydakirina çareyeke demokratî ji bo pirsa kurd li Sûriyê.
Hêjayî gotinê ye ku roja 10.12an
dora 200 Kurd li pêşiya perlemana Sûriyê li Şamê protesto kirin. Ev çalakiya
protestoyê ya ku yekemîn çalakî bi vî awayî
bû ku ji sala 1984an li Sûriyê pêk tê, ji alî
Partiya Yekîtî ya Kurd li Sûriyê hatibû organîze kirin. Merwan Osman û Hesen Salih
derbasî cem serokê perlemanê bibûn û namyek bi daxwazên partiya
xwe bi dest xistibûn.
|
|
