12.12.2002
Xizmên endamên Partiya YEKÎTÎ hatin binçav kirin
STOCKHOLM (amude.com) -
Li gor daxuyaniyeke Partiya Yekîtî ya Kurd li Sûriyê (Peyvdarê derveyî)
çend xizmên endamên vê partiyê li Sûriyê hatin
binçav kirin. Sedemê van binçavkirinan çalakiya
protestoyê ye ya ku berî du rojan li pêşiya perlemana
Sûriyê pêk hat.
Di daxuyaniya ku ji malpera Amûdê re hat, hatiye nivîsandin ku
"istixbaratên dewleta Sûriyê hin xizmên endamên Partiya Yekîtî ya
Kurd li Sûriyê çend seetan xistin bin çavan, çêrî wan kirin, keft û zirt
li wan dan û pirsa cih û pilanên mirovên wan ji wan kirin."
Siyamend Salih, kurê Hesen Salih, û Mihemmed Osman, birayê Merwan Osman,
2 kes ji nav wan kesan bûn ên ku hatin binçav kirin. Hesen Salih û
Merwan Salih nûnerên partiya Yekîtî ne yên ku
roja 10ê vê mehê derbasî cem serokê perlemana Sûriyê
bibûn û nameyek bi daxwazên partiya xwe bi destê wî xistin.
Hêjayî gotinê ye ku berî du rojan
dora 200 Kurd li pêşiya perlemana Sûriyê li Şamê protesto kirin. Ev çalakiya
protestoyê ya ku yekemîn çalakî bi vî awayî
bû ku ji sala 1984an li Sûriyê pêk tê, ji alî
Paritya Yekîtî ya Kurd li Sûriyê hatibû organîze kirin.
- Kurd li pêşiya perlemana Sûriyê protesto dikin (amude.com - 10.12.2002)
|
|
