www.amude.com - navenda çanda kurdî 15.06.2003 - 09:15 Kurdên Binxetê protestoyeke mezin li Şamê amade dikin TAYBET QAMIŞLO (amude.com) - Endamekî birêvebiriya Partiya Yekîtî ya Kurd li Sûryayê ragihand malpera Amûdê, ku ew çalakiyeke protestoyê ya mezin li Şama paytext amade dikin, û niha li hêviya bersiva beşdarbûn an nebeşdarbûna partiyên kurdî yên din di vê çalakiyê de ne. Hêjayî gotinê ye, ku berî du rojan, endamê Komîteya Siyasî ya Partiya Yekîtiya Kurd li Sûryayê Fuad Elîko di Koçka Qamişlo ya paltalkê de eşkere kir, ku ew dê ta dawiya salê sê çalakiyên protestoyê yên mezin li dij siyaseta hikûmeta sûrî li hemberî Kurdan pêk bînin. Herweha wî diyar kir ew dixwazin ligel tevaya tevgera kurdî bi van çalakiyan rabin. Partiya Yekîtî ya Kurd li Sûryayê dawiya sala borî xwepêşandaneke aştiyane li pêşiya perlemana sûrî li dar xistibûn. Piştî vê çalakiyê bi çend rojan, du endamên polîtbîroya Yekîtî, Mehmûd Usman û Hesen Salih, ji aliyê hêzên sûrî ve hatin biçav kirin û ta niha di zindanê de ne. >> Gotinên Fuad Elîko di Koçka Qamişlo de   veger rûpela destpêkê  copyright © 2000-2003 amude.com [ info@amude.com ]