 |
|
16.06.2003 - 02:20
Kurdên Elmaniyayê jî ji siyaseta Sûryayê re dibêjin na
DORTMUND (amude.com) - Rêxistinên partiyên Kurdên Binxetê
li Elmaniyayê xwepêşandaneke protestoyê li Berlîna paytext
amade dikin. Xwepêşandan dê di roja 08.08.2003an de, demjimêr 11.00, li
pêşiya balozxaneya Îtaliyayê li dar keve. Hevkariya partiyên kurdistanî
li Elmaniyayê û Rêxistina Parastina Mafên Mirov li Sûryayê
piştgiriya vê çalakiyê dikin.
Di banga xwe de, ku ji amude.com re hate şandin, rêxistinên partiyên Kurdên Binxetê
li Elmaniyayê agahdar dikin, ku ew dê ji bo doza gelê kurd li Sûryayê
û ji bo piştgiriya girtiyên kurd di zindanên sûrî de,
yên ku piştî xwepêşandanên dawî li Şamê
hatibûn girtin, bi çalakiyeke protestoyê li pêşiya
balozxaneya Îtaliyayê rabe û bangî Kurdên li
Elmaniyayê dikin, ku beşdarî vê xwepêşandanê bibin.
Hêyaî gotinê ye, ku Îtaliya niha seroka Yekîtiya Ewropayê
ye. Ji ber vê yekê, partiyên kurdî balozxaneya wê
ji bo çalakiya xwe helbijartin.
|
|
|
veger rûpela destpêkê