www.amude.com - navenda çanda kurdî 30.07.2003 - 15:44 Kurdên Brîtanyayê Sûryayê protesto kirin LONDON (amude.com) - Şemiya borî, Kurdên Birîtanyayê xwepêşandanek li pêşiya balozxaneya Sûryayê li Londonê pêk anîn. Wan xwesti bi vê yekê piştgiriya xebata gelê kurd li welat û xwepêşandanên li Şamê û Helebê di 25 û 30 mehab borî de diyar bikin. Hejmarek mezin ji rêxistin û kesayetiyên kurd beşdarî vê çalakiyê bûn. Di vê xwepêşandanê de, beşdaran bi bilindkirina dirûşm û alên Kurdistanê siyaseta Sûryayê li dij Kurdan protesto kirin. Hin ji gotinên li ser dirûşmên wan ev bûn: - Serxwebûn û azadî ji Rojavayî Kurdistanê re ya bi Sûryayê ve girêdayî - Ey rêjîma rasîst û terorîst, derkeve ji Kurdistanê - Azadî ji bo girtiyên siyasî yên kurd - Şerm e, ku di sedsala 21ê de Kurdistan hîn dagîrkirî ye - El-Essed = terorîsm - Kurdistan ji bo Kurdan Di dawiya xwepêşandanê de, serokê Komeleya Kurdistana Rojava li Brîtanyayê nameyek ji bo serokê Sûryayê Beşar El-Essed xist posteya balozxaneyê. Herweha, xortekî rûpeleke rojnameyekê, ku wêneyên herdu zarokên Sedam ên kuştî li ser bû, xiste posteyê, û wiha li ser nivîsandibû: "Ev mesîrê te ye, ey Beşar El-Essed, ger tu dev ji dîktatoriyetê û bernedî û mafê gelê kurd li Sûryayê nedî wî."   veger rûpela destpêkê  copyright © 2000-2003 amude.com [ info@amude.com ]