 |
|
28.11.2003 - 14:52
Nivîskarê çîk Jiri Grusa bû serokê PENê
MEKSÎKO (dpa/amude.com) - Nivîskarê çîk Jiri Grusa (65)
serokê PENa navnetewî yê nû ye. Ew dikeve şûna
serokê berê yê meksîkî Homero Aridjis, ê ku
6 salan serokatî PENê bû. Kongreya PENê li Meksîk
îro bi dawî tê.
Jiri Grusa di 10.11.1938ê de li bajarê çîkî Parduci
ji dayik bû. Di sala 1981ê de, rêjîma çîkî
ya komunîst nasnameya çîkî jê stand. Ev bû sedema ku
Grusa çû Elmanyayê û li wê derê jiyana xwe berdewam
kir. Piştî guhertina siyasî li Çîkoslovakiya,
ew bû sefîrê welatê xwe li Elmanyayê. Niha ew hîn
sefîrê welatê xwe li Nemsa ye. Lê piştî hilbijartina
wî wekî serokê PENê, Grusa eşkere kir, ku ew dê
dev ji vê yekê berde û tenê ji bo PENê bixebite.
Jiri Grusa ragihand, ku yek ji giringtirîn armancên wî dê
reformkirina struktura PENê be. Herweha ew dixwaze hevkariya li gel navendên wêjeyî
û dezgehên nivîskaran xurtir bike û di rêya
internêtê re komunikasyona di navbera navendên PENê
bi pêş xîne.
rêxistina PENê, ku navê wê ji tîpên destpêkê
yên 'Poets, Essayists, Novelists' pêk tê, di sala 1921ê de
li Ingiltirayê hatiye
damezirandin. Li seranserî cîhanê 134 navendên PENê
hene û di nav wan de jî PENa Kurd.
|
|
|
veger rûpela destpêkê