 |
|
27.09.2003 - 13:48
Kujerên Kurdan dê bibin berdêlî di bazarvaniya
di navbera Israîl û Hîzbullah de??
Dr. Sadîq Şerefkendî
(PDKÎ) |
DORTMUND (amude.com) - Kujerên siyasetvanê kurd Dr. Sadîq
Şerefkendî û hevalên wî Fetah Ebdulî, Homayun Erdelan û Nurî Dêhkurdî,
yên ku di 17.09.1992ê de, di xwaringeha bi navê Mykonos de li bajarê Berlînê
hatin kuştin, dê serbest bêne berdan, wiha rojnameya israîlî
Haaretz ragihand. Kujerên îranî û libnanî
dê bibin berdêlî di bazarvaniya guhertina girtiyan di navbera
Israîl û Hîzbullah (Partiya Xwedê) de.
Li gorî agahiyên Haaretz, dê girtiyekî îranî
û duduyên libnanî, yên ku di girtîgehên Elmanyayê de
ne, serbest bêne berdan. Bi vê yekê, Israîl hêvî
dike ku agahiyan li ser balafirvanê xwe Ron Arad werbigre. Rojnameyê ragihand, ku
Serokwezîrê Israîl Ariel Şaron di hevpeyvîneke
bi tevelizyonên israîlî re gotiye, ku interesa Hîzbullah
pir ji girtiyên li Ewropayê re heye, bêyî ku wan bi nav bike.
Hêjayî gotinê ye, ku ji çend salan ve
Elmanya di navbera Israîl û Hîzbullah re diçe û tê
ji bo mesela girtiyên wan çareser bike. Roleke wê ya mezin
di vê bazarganiyê de heye. Ne dûr e, ku Elmanya
kujerê Kurdan serbst berde û wan bighîne Hîzbullah.
Xwaringeha Mykonos li Berlînê - 17.09.1992 (alefbe.com) |
Di 17.09.1992ê de, du terorîstên îranî
û duduyên libnanî Sekretêrê
Giştî yê Partiya Demoqrata Kurdistan - Îran (PDKÎ)
Dr. Sadîq Şerefkendî û hevalên wî Fetah Ebdulî (endamê Komîteya
Navnedî ya PDKÎ û nûnerê rêxistina partiyê ya Ewropa),
Homayun Erdelan (Berpirsê PDKÎ li Elmanya) û
Nurî Dêhkurdî di xwaringeha bi navê Mykonos li bajarê Berlînê de kuştin.
Yek ji kujerên îranî karîbû bireve Îranê û nehate girtin.
Yê din (Kazem Darabî) û herduyên libnanî Mihemed Etrîs
û Ebbas Rhayel, ku bi xwe endamên Hîzbullah in, ji aliyê
polîsên elman ve hatin girtin.
Di 10ê Nîsana 1997ê de, Dadgeha Berlînê diyar kir ku
rêjîma Îranê biryara kuştina siyasetvanên
kurd standibû û destûra vê yekê dabû.
Dadgehê biryar stand, ku kujerê îranî Darabî û yê
libnanî Rhayel ta ku sax bin di zindanê de bimînin.
Kujerê libnanî yê din 5 sal zindan stand. Ew niha serbets e.
Ev demek dirêj e, ku Isarîl hewl dide ku kujerên Kurdan serbest bêne berdan.
Xema wê tenê ew e, ku bi vê yekê agahiyan li ser balafirvanê
xwe Ron Arad werbigre. Li ser vê yekê, Hans-Joachim Ehrig, parêzerê jinên kuştiyên kurd,
ragihand rojnameya elmanî 'Berliner Zeitung', ku ger bi rastî
ew kujer serbest bêne berdan, ev dê bibe şiqamek di rûyê
jinebî û sêwiyan de.
>>
Germany ready to swap Iranian for info on Ron Arad (Haaretz)
|
|
|
veger rûpela destpêkê