 |
|
26.11.2003 - 00:26
Hukûmeta Urdun pirtûkên Selîm Berekat şewitandin
 
Selîm Berekat
"Dilşad"
|
URDUN/EMAN (amude.com) - "Dezgeha Weşanan" li Urdun 300 pirtûkên
helbestvan û romannivîsê kurd Selîm Berekat
ji pirtûkxaneyan derxistin û ew şewitandin, wiha malpera
elaph.com ragihand. Pirtûka ku hate şewitandin, romana Berekat a
nû "Dilşad" e, ya ku berî demekê li Beyrûtê
hatibû weşandin.
Hîn ne diyar e, ji bo çi pirtûkat Berekat bûye
goriya sansora urdunî. Lê li gorî agahiyên di
elaph.com de, bi dehan nivîskar û pirtûkên wan
bûne goriyên sansora "Dezgeha Weşanan" a urdunî.
Piştî hilbijartinên dawî, hukûmeta
nû kar û barên wezareta çandê rawestand
û bera karkerên wê dan. Tiştek
bi navê 'wezareta çandê' li Urdunê nemaye.
Hêjayî gotinê ye, ku ji mêj ve pirtûkên
Selîm Berekat li Sûryayê qedexe ne.
|
|
|
veger rûpela destpêkê