29.04.2003 - 17:20
Pêşangeha pirtûkên kurdî li Elmaniyayê
KÖLN (amude.com) - Bi însiyatîva Yekîtiya Komeleyên Kurdistan (KOMKAR),
îsal ji 06-08ê meha hezîranê pêşengehek
bo pirtûkên kurdî li bajarê Kölnê
li Elmaniyayê amade dibe. Ev pêşengeh îsal ji bo
bîranîna sedsaliya Cegerxwîn saz dibe.
Serokê KOMKARê Beko Topgider di daxuyaniya bo çapemeniyê de,
dibêje ku KOMKAR bi biryara sazkirina pêşangeha pirtûkên kurdî
"dixwaze pirekê di navbera weşanxaneyên kurdî û xwendevanên kurd de
li Elmaniyayê çêkin." Ji bona vê yekê jî, ew dixwazin hersal li bajarekî
elmanî "Pêşangeha Pirtûkên Kurdî" pêk bînin.
Li gor agahiyên ku di daxuyaniyê de hatine, her kes dikare di vê
pêşangehê de beşdar bibe.
Pêşangeha îsal dê li bajarê Kölnê, Bürgerzentrum,
Alte Feuerwache, Eberplatz, li dar keve.
Bo agahiyên berfirehtir:
e-mail: komkar@t-online.de
malper: www.komkar-info.org
|
|
