www.amude.com - navenda çanda kurdî 31.07.2003 - 20:52 Parêzerên parêzgeha Hisiça li Sûryayê doza serbestberdana parêzerê kurd dikin QAMIŞLO (amude.com) - Di nameyekê de ji bo serokê Sendîqa Parêzeran li Sûryayê de, 116 parêzerên ji parêzgeha Hisiçayê doza serbestberdana parêzerê kurd Mihemed Mistefa Ehmed dikin. Di nameya xwe de, ya ku ji malpera Amûdê re hate şandin, parêzer eşkere dikin, ku girtina hevkarê wan Mihemed Mistefa Ehmed di roja 25.06.2003an de li Şamê li dij mafên di destûra Sûryayê de bû. Ew ji serokê sendîqaê dixwazin, ku bêtir li ser serbestberdana Ehmed bixebite, û derfetê bide dadgehê, ku li ser mesela girtina wî bixebite. Hêjayî gotinê ye, ku parêzer Mihemed Mistefa Ehmed yek ji 9 girtiyên xwepêşandana zarokên kurd e, ya ku di 25ê meha borî de li Şamê pêk hat. >> Nameya parêzeran bi zimanê erebî   veger rûpela destpêkê  copyright © 2000-2003 amude.com [ info@amude.com ]