www.amude.com - navenda çanda kurdî 27.06.2003 - 19:49 Rêxistina Mafên Mirov li Sûryayê doza parastina mafê xwepêşandanan dike ŞAM (amude.com) - Rêxistina Mafên Mirov li Sûryayê ji rêjîma Sûryayê doza parastina mafê xwepêşandanan li Sûryayê weke nîşana protestoyê kir. Di daxuyaniyekê de, ku doh li Şamê derket, Rêxistina Mafên Mirov li Sûryayê doza çareserkirina pirsa kurdî li Sûryayê kir. Herweha wê ji rêjîmê xwest, ku ew hemû mafan bidin Kurdan, ku bikaribin weke welatiyên Sûryayê yên din bijîn. Derbarî girtiyên xwepêşandana zarokên kurd li Şamê, rêxistinê ji rêjîmê xwest, ku bilez û yekser wan 8 girtiyên kurd ji binçavkirinê rizgar bike. Di dawiya daxuyaniya xwe de, rêxistinê piştrast kir, ku li gor destûra Sûryayê mafê her kesî li Sûryayê heye, ku bi rêyeke aştiyane protestoyê bike. Herweha wê bangî rêjîmê kir, ku problêmên welatiyan bêyî pêkanîna zoriyê çareser bike.   veger rûpela destpêkê  copyright © 2000-2003 amude.com [ info@amude.com ]