 |
|||||
 |
|||||
| www.amude.com - navenda çanda kurdî | |||||
 |
|||||
|
|
11.10.2003 - 20:45 Kurdên Swêdê derketin pêşiya balyozxaneya Sûryayê li Stockholm
Kurdên ji Başûrê-Rojava û Bakurê Kurdistanê li gel çend Kurdên Başûr û Rojhilat li pêşiya balyozxaneya sûrî bi dûrişm û gotinên xwe rêjîma Sûryayê ji bo siyaseta wê ya li dij gelê kurd rûreş kirin. Partiya Çep û partiya Gel ên swêdî jî amade bûn û bi gotinên xwe piştgiriya daxwazên Kurdan kirin. Ji bilî rêxistinên Swêdê yên tevgera kurdî li Sûryayê, Federasyona Komeleyên Kurd li Swêdê jî beşdarî vê çalakiyê bûn. Dûrişmên ku hatin bilind kirin jî ev bûn: • Naskirina hebûna gelê kurd li Kurdisatna Sûryayê û pejirandina mafên wî yên demokratî • Vegerandina hemwelatiya Kurdan li herêma Cizîrê • Rakirina "Kembera Erebî" û nehiştina erebkirina Kurdan • Azadkirina hemû girtiyên siyasiyên kurd di zindanên Sûryayê de Komîteyeke ji Kurdan xwestin ku nameyekê bi daxwazên xwe ragihînin berpirsên balyozxaneyê, lê wan deriyên xwe girtibûn û ne xwestin pêşwaziya ti kesî bikin. Ji ber vê yekê komîte mecbûr ma ku nameya xwe bixe posteya balyozxaneyê. |
|
|
|
|
| ||
| ||||
|
 veger rûpela destpêkê |
|
| ||
|
copyright © 2000-2003
amude.com
[ info@amude.com ] |
|||||
|
|||||