www.amude.com - navenda çanda kurdî 09.10.2003 - 14:30 Kurdên Swêdê dixwazin siyaseta Sûryayê riswa bikin STOCKHOLM (amude.com) - Piştî ku li seranserî Ewropa çalakiyên protestoyê li dij rêjîma Sûryayê pêk hatin, Kurdên Swêdê jî dixwazin bigihên hev û bi hevre li dij siyaseta Sûryayê xwepêşandanekê pêk bînin. Çalakiya wan şemiya bê li dar dikeve. Partî û rêxistinên amadekar agahdariyek derbarî vê çalakiyê amade kirine. Em wê li vê derê diweşînin: AGEHDARÎ Îsal 41 sal derbas dibin, ku hemwelatiya 250 hezar Kurd li Kurdistana Sûriyê ji wan hatiye standin û ji hemû mafên mirovayetî bêpar manin. Bi vê helkeftina tracîdî, diyaspora kurd li Swêdê roja 11-10- 2003ê, katjimêr 11.00, xwepêşandineke protestoyê hemberî balyozxaneya Sûriyê li Stockholmê pêk tîne. Dirûşmên xwepênîşandinê ev in: • Naskirina hebûna gelê kurd li Kurdisatna Sûriyê û pejirandina mafên wî yên demokratî • Vegerandina hemwelatiya Kurdan li herêma Cizîrê • Rakirina ”Kembera Erebî” û nehiştina erebkirina Kurdan • Azadkirina hemû girtiyên siyasî yên kurd di zindanên Sûriyê de Em bangî hemû niştîmanwerên kurd dikin ku beşdarî vê çalakiyê bibin û vê siyseta nijadperest riswa bikin. Amadekar: Tevgera Siyasî ya Kurd li Sûriyê - Komîteye Swêdê Federasyona Komeleyên Kurdistanî li Swêdê- FKKS Komîteya Hevakariya Rêxistinên Kurdistanî li Swêdê Instyatîva Kurd li Swêdê Cih: Metro - Karlaplan Alle (Närvavägen) - Stockholm Kat: 11 Oktober 2003, 11:00-13:00   veger rûpela destpêkê  copyright © 2000-2003 amude.com [ info@amude.com ]