 |
|
07.07.2003 - 16:48
Li Elmaniyayê Kurdekî dilxerab jina xwe kuşt
BIELEFELD (nw/amude.com) - şemiya borî, li bajarê elmanî Bielefeld, demjimêr
14.10, Kurdekî ji Başûrê Kurdistanê (44 salî) jina xwe ya 22salî bi pênc
fîşekan li pêşiya çavên sedan ji
xelkê li navenda bajêr kuşt. Mêrik piştî çend
deqeyan ji aliyê polîsên elman ve hate girtin.
(wêne: NW)
|
(wêne: NW)
|
(wêne: NW)
|
Kuştin li bazara hefteyê pêk hat. Li gor agahiyên
kesên amade, mêrê Kurd ji nêzîk ve
pênc fîşek ji devanca xwe ya 7,65 mm avêtin jina xwe.
Fîşek li serî û pişta jinê ketin.
Polîsên Bielefeldê ragihandin, ku navê mêrê kurd,
ê ku mafê penaberiyê li Elmaniyayê wergirtibû,
Rahou B. ye, û yê jina wî Wesîla S. e. zarokên Rahou
û Wesîlayê tune ne.
Hêjayî gotinê ye, ku ev bûbû demek, ku Wesîla
dev ji malê berdabû û li xaniyekî ji bo jinan dijiya.
Mêrê wê li kuştinê mukor hat û got, ku
wî kuştin plan nekiribû. Li ser sedema kuştinê Rahou
ragihand, ku wî ji ber dilxerabbûnê jina xwe kuşt.
|
|
|
veger rûpela destpêkê