29.12.2002 - 18:19
Kurdên "Binxetê" di bernameyeke taybetî de
BRÛKSEL (amude.com) - Di bernameyeke taybetî de, kenala
Medya TV dê roja îna 03.01.2003an, demjimêr 20.00, piştî
nûçeyên tirkî, guftûgoyeke berfireh li ser pirsgirêka kurd li
Başûrê Rojavayî Kurdistanê biweşîne.
Bername dê li ser rewşa siyasî, çandî, aborî û civakî be li gel guftûgoya
li ser rêyên çareserkirina pirsgirêka kurd li Sûriyê û li Kurdistanê.
Hêjayî gotinê ye ku ev yekemîn car e ku kenala Medya TV
bernameyekê bi vî awayî li ser Başûrê Rojavayî Kurdistanê
diweşîne. Ji destpêka weşana xwe ta roja îro, Medya TV
xwe dûrî pirsgirêk û mijarên siyasî dibe yên ku bi
Kurdên Sûriyê ve girêdayî ne. Herwiha ew guh nadin
çalakî an gotinên rexneyî dijî hikumeta Sûriyê.
Çalakiya dawî ku Medya TV behsa wê nekir, xwepêşandana Kurdan
li pêşiya perlemana Sûriyê bû ya ku di roja 10.12.2002an de
pêk hat. Herwiha wê ti agahdarî li ser girtina herdu siyasetmedarên kurd
Hesen Saleh û Merwan Osman neweşand ên ku roja 15ê vê mehê
li Şamê hatin girtin û hîn di zindanê de ne bêyî
ku ti kes zanibe ew di çi rewşê de ne.
Lê di vê yekê de Medya TV ne tenê ye. Herdu televizyonên kurdî
yên dî jî, Kurdistan TV û Kurdsat, pêwîst nedîtin
ku wan nûçeyan biweşînin.
|
|
