 |
|||||
 |
|||||
| www.amude.com - navenda çanda kurdî | |||||
 |
|||||
|
|
07.01.2004 - 21:01
DORTMUND (amude.com) - Yekemîn televizyona kurdî ya li ser internêtê dest bi weşana xwe kir. Televizyona KNN TV a internêtî, ku ji Holendayê ve weşana xwe dike, yekemîn programa xwe di malpera xwe de weşandiye. KNN TV di malpera xwe de nivîsandiye, ku ew telvizioneke taybet û serbixwe ye û dixwaze raya giştî agahdarî rewşa miletê kurd li Kurdistanê bi giştî û li Başûrê-Rojavayî Kurdistanê bi taybetî bike û bibe girêdanek di navbera kurdên li hundir û derveyî Kurdistanê. Armanca KNN TV ew e ku bibe pencereyeke siyasî û çandî ji bo kurdên Başûrê-Rojavayî Kurdistanê. Ew dixwaze piştgirya tevgera azadîxwaz a kurd li Başûrê-Rojavayî Kurdistanę bike û herweha ziman, çand, kultur û folklorê kurdî biparêze. Li gorî agahiyên birêvebirên KNN TV bo Malpera Amûdê, ev demek dirêj e ku ew li ser projeya televizyonê dixebitin. Komîteya amadekar ji 5 kesên çalak pêk tê û hin kesên din, ku her yek ji aliyê xwe ve alîkariyê dike. Yekî ji endamên komîteyê diyar kir, ku tunebûna derfetên aborî bûne sedemên ku televizyona weşana xwe tenê li ser internêtê dike. Wî got: "Em ne dezgeh û ne jî rêxistin in û derfetên me hema tune ne. Ti kes jî alîkariya me nake." Kesên ku programên KNN TV amade dikin, di karê xwe de pispor in û bê pere di vê projeyê de dixebitin. Ji ber vê yekê mesrûfa wan jî ne gelek e. Studyoya KNN TV li bajarekî holendî ye. Gelek astengî hene Ev çend meh in, ku amadekarên KNN TV dixwestin dest bi weşanê bikin. Lê ji bere gelek sedeman ev yek pêk nehat. Di vê demê de, wan erşîvekê ji bo televizyonê amade dikir. "Me ji gelek kesan li Kurdistanê û Ewropayê xwest ku filman ji me re peyda bikin, lê mixabin ta niha tiştek negihaye me", weha Selah Bîlal, yek ji xebatkarên KNN TV li Elmanyayê. Yekemîn programa KNN TV doh di malpera televizyonê de hate weşandin. Program demjimêrekê dirêj dike. Di vê programê de, dîmenin ji bajarên Qamişlo û Efrînê têne pêşkêş kirin. Di ber re, stran û muzîka kurdî têne guhdar kirin. |
|
|
|
|
| ||
| ||||
|
 veger rûpela destpêkê |
|
| ||
|
copyright © 2000-2003
amude.com
[ info@amude.com ] |
|||||
|
|||||