16.01.2003 - 20:52
Deriyên qeydkirinê bo helbijartinên perlemanê
li Sûriyê vebûn
ŞAM (amude.com)— Wezîrê Sûriyê
yê hundir Elî Hemûd ragihand ku derfeta qeydkirinê
bo wan kesên ku dixwazin derbasî perlemana Sûriyê
bibin, îro dest pê kir û ta şemiya 25.01.2003an
didomîne.
Do, serokê komara Sûriyê Beşar El-Esed
eşkere kir ku helbijartinên perlemana Sûriyê
dê di roja yekşema 02.03.2003an de bin. Di vê rojê de
gelê Sûriyê dê 250 kesan bo perlemana Sûriyê
helbijêrin. Ji van 250 kesan 127 dê ji karker û cotgaran
bin û 123 kesên din dê ji miletê mayî bin.
Gelê Sûriyê dê endamên perlemana Sûriyê bo
4 salan helbjêrin. Ev yekemîn helbijartinên perlemanê
ne di bin serokatiya Beşar El-Esed de.
Hêjayî gotinê ye ku li gorî destûra komara
Sûriyê, ji pêşî de piraniya
endamên perlemanê divê yên partiya Baas
bin a ku ji dehên salan ve Sûriyê xistine
bin destê xwe de û rewşa welat sal bi sal xirabtir
dike.
Hîn ne diyar e eger Kurdên Sûriyê dê
beşdarî helbijartinan bibin an na. Lê çend partiyên
dî li Sûriyê eşkere kirin ku ew beşdar nabin û
dê dûrî helbijartinan bin.
|
|
