21.02.2003 - 13:40
Li Duhokê filmên kurdî hatin pêşkêş kirin
Hekar Findî - Dihok
DIHOK (amude.com) - Ji berhemên nivîsgeha Dihokê ya
Kurdistan TV, roja 18.2.2003an bi berhevbûna hejmareke mezin
ji hunemend û hunerdostan du filmên kurdî yên
dokumenter, yek bi nav ê (DAR AV) û yê din
bi navê (QEREÇ), li hola mûzexaneya Dihokê ya
folklorî hatin pêşkêş kirin.
Filmê "DAR AV" ji 10 deqeyan pêk tê û
berî niha di festîvala Leipzig
a elmanî de hatibû pêşkêş kirin.
"QEREÇ" ji 20 deqeyan pêk tê û cara yekem bû
ku bi vî rengî hate pêşkêş kirin.
Herweha ew di festîvala Ebu Zebî beşdar bibû.
Hêjayî gotinê ye ku ew herdu film ji derhênera
hunermend Ziyad Abid in ê ku ji amude.com re weha peyivî:
"Me xwest di van filman de azarên xelkê Kurdistanê
bidin diyar kirin. Îro van filman giringiya xwe
heye li cîhan, lewma me jî bi van filmên
dokumenter çêkirin da ku miletê dî jiyana me ya
zor binasin."
|
|
