 |
|
04.12.2003 - 12:35
Du sal û nîv zindan ji bo berpirsiyarekî PKK li Elmanyayê
Elî Z. (ap) |
HAMBURG (HA/amude.com) - Çar salan piştî êrîşa
23 alîgerên PKK li ser navenda Partiya Sosyaldemokrat a Elmanyayê
(SPD) li bajarê Hamburgê, Dadgeha Bilind li Hamburgê
berpirsiyarê PKK ê berê Elî Z. (48) ji bo
plankirina wê êrîşê tawanbar kir û biryara
du sal û nîv zindan ji bo wî da. Di şirovekirina biryarê de,
dadmendê berpirsiyar got ku çendîn mirov daxwazên kurdan
fêm bike jî, lê her kes divê bizanibe ku li Elmanyayê
tawankarî nayên qebûl kirin.
Li gor agahiyên polîsan, Elî Z. ji sala 1998 ta 1999ê
berpirsiyariya PKK li herêma 'Bakur-Rojava' li Elmanyayê dikir.
Di wê demê de, Z. dagîrkirina navenda Partiya Sosyaldemoqrat (SPD)
li bajarê Hamburgê ji aliyê grûpeke kurdan ve
organîze kiribû.
Elî Z. di dawiya sala 2002ê de li bajarê Bonnê hatibû girtin
û ji wê demê de di zindanê de ye.
Hêjayî gotinê ye, ku di 17.02.1992ê de,
23 alîgerên PKK êrîşî navenda
SPD li Hamburê kiribûn û berpirsiyarekî wê
xistibûn bin hêza xwe de. Piştî 9 seetan, çalakiya wan
bi dawî hat.
PKK li tevaya Elmanyayê bi çalakiyên wiha girtina
Ocelan ji aliyê tirkan ve protesto dikirin. Ev çalakî û yên din,
mîna xweşewitandinan û blokkirina rêyên otomobîlan,
bûn sedema nerîneke nêgatîv ji aliyê miletê elmanî ve
li hemberî kurdan.
|
|
|
veger rûpela destpêkê