16.05.2003 - 01:46
Mihemed Şêxo û Fatma Meleka (Diya Felek)
(wêne: Nûdem)
|
"Diya Felek" li Hisiçayê kete zindanê
QAMIŞLO (amude.com) - Çarşema borî, xanima hunermendê
rehmetî Mihemed Şêxo ya berê, Fatma Meleka (Diya Felek), li
Hisiçayê rojekê kete zindanê dema ku xwest rûniştina
xwe ya li Sûriyeyê dirêj bike. Ew niha di nexweşxaneya Qamişloyê
de dimîne û divê şemiyê dîsa biçe Hisiçayê
cem polîsan.
Li gor agahiyên ku gihan amude.com, xanima Fatma dixwest li Hisiçayê
rûniştina xwe ya li Sûriyeyê dirêj bike. Ew bi xwe ji
Rojhilatê Kurdistanê ye û nasnameya îranî pê re heye.
Ji dema ku bi rehemtiyê Mihemed Şêxo re hate Qamişloyê, wê
rûniştina Sûriyeyê wergirt. Pêwîst e ku piştî
demekê ev rûniştin bê dirêj kirin da ku bikaribe li
Sûriyeyê bimîne.
Piştî ku xanim Fatma ji zindanê hate berdan, ew yekser kete nexweşxaneya
Qamişloyê. Polîsên Hisiçayê jê xwestin ku ew
şemiyê dîsa here cem wan da ku binerin dê çi bikin.
|
|
