 |
|
12.10.2003 - 18:51
Rojnamegerên Êlîhî Ciwan Haco xelat kirin
Ciwan Haco li Êlihê (dîha)
|
ÊLIH (dîha/amude.com) - Derbarî pêşbaziya nûçe û fotografan, a ku ji
hêla Kemeleya Rojnameger û Weşangerên Êlihê (BGYC) ve hatibû li darxis tin,
hunermend Ciwan Haco doh di mersîma xelatkirinê de
"Xalata Rûmetê" ji aliyê BGYC wergirt. Haco
ji bo pêkanîna konsêrekê çûye Êlihê.
.
Xelatên kesên ku di pêşbaziya nûçe û fotografan a Komeleya Rojnameger û
Weşangeran de ketibûne dereceyê, doh li mala mêvanan a Êlihê
bi merasimekê hatin dayîn. Şaredarê Êlihê Huseyîn Kalkan, hunermend Ciwan Haco
û Serokê Baroya Êlihê Zekeriya Aydin jî beşdarî merasîmê bûn.
Hunermendê navdar Ciwan Haco, ku piştî 23 salan yekem car çûye Tirkiyeyê
û dê li Êlihê konserekê bide, "Xeleta Rûmetê" wergirt. Xelata Ciwan Haco ji hêla
Şaredarê Êlihê Huseyîn Kalkan ve hate dayîn. Ciwan Haco di dema wergirtina xelatê
de axaftinek kin kir û wiha got: "Mehrecan baş derbas dibe. Hûn layikê mehrecanên baştir in.
Ez we pîroz dikim. Ez hêvîdar im dê gelê kurd mafê xwe yê ziman û çandî bidest bixe."
Haco di axaftina xwe de diyar kir, ku ew xwe wekî ku xewnekê dibîne hîs dike û ji
çûna welêt pir kêfxweş e.
|
|
|
veger rûpela destpêkê