18.11.2002
Hevdîtina nivîskarên kurd û alman
DRESDEN/ALMANYA (amude.com) -
Ji 22-24.11.2002an, li bajarê Dresden/Almanya
nivîskarên alman û yên kurd ji her çar perçeyên Kurdistan
hevdîtineke wêjeyî pêk tînin. Mijara hevdîtinê
"hilanîna bend û astengiyan di navbera gelan de, û
hevnasîn û pêkanîna aştiyê" ye.
Civîna PENa kurd a dawî (wêne: Salihê Kevirbirî)
|
Birêvebirên vê hevdîtinê "Navenda PENa Kurd" û sê şaxên nivîskarên
almanî ne, "Förderkreis für Literatur in Sachsen e. V. in Dresden",
"Unabhängiger Schriftstellerverein e. V. in Dresden" û
"Verband der Schriftsteller OWL (Ostwestfalen-Lippe), Bielefeld".
Li gor agahiyên ji "Navenda PENa Kurd",
armanca hevdîtinê ew e ku "nivîskarên ji çandên têvel û cawaz
berhemên xwe pêşkêş bikin."
Herweha ev hevdîtin ji bona nivîskarên ku li welat dijîn û ewên ku
ji ber sedemên zordestiyê neçar in li derveyî welat bijîn
û binivîsînin, bibe rê û derfet.
"Vekirina platformeyekê bo nivîskaran bo
hevdunasînê û bihevguhertinên
bîr û baweriyên xwe û nirxên wêjeyî û çandî yên alman û kurdan", armnacek
din e ji armancên vê hevdîtinê.
Di hevdîtinê de hatiye plan kirin
ku gengeşî, dan û standin di navbera beşdaran de pêk bê û bi
hev re bajar û herêma Dresdenê nas bikin.
Hevdîtin li "Ballhaus Watzke, Kötzschenbroder Str. 1, 01139 Dresden" pêk tê.
Destpêka wê roja 22ê mehê ye, demjimêr 19:00.
|
|
