www.amude.com - navenda çanda kurdî 03.08.2003 - 15:29 Li Berlînê civîneke çapemeniyê li ser guhertinên nû li Sûryayê BERLÎN (amude.com) - Komeleya Kurdên ji Sûryayê li Berlin-Brandenburg û Komeleya Pijîşkên Kurd li Elmanyayê dê roja çarşema 06.08an civîneke çapemeniyê li Berlînê derbarî rewşa Kurdên Binxetê û guhertinên nû li Sûryayê li dar xînin. Beha Mihemed (wêne: S.H.Berko) Serokê Komeleya Kurdên ji Sûryayê li Berlin-Brandenburg Beha Mihemed ragihand malpera Amûdê, ku ew di vê civînê de dixwazin medyaya elmanî û ya biyanî agahdarî guhertinên dawî yên li Sûryayê bikin. Herweha ew ê bi berfirehî li ser çalakiyên Kurdan ên protesoyê li Sûryayê biaxifin û rewşa Kurdên Binxetê ji rojnamevanan re diyar bikin. Di vê civînê de, dê sê rapor bêne xwendin, ew jî ev in: - Ferhad Ehmê: Derbasbûna hêzên emerîkî bo Iraqê: Hêviyên nû ji bo Kurdên Sûryayê hene? Kurd dê bi çalakiyên protestoyê yên din rabin? - Eva Savelsberg: Rewşa Kurdên bêhemwelatî li Sûryayê - Şukrî Şêxmûs: Partiya Bees li Sûryayê Xanim Narîn Kîkî dê bi birêvebiriya civînê rabe. Civîn roja çarşemê, demjimêr 11.00 ta 12.30an, li Rathaus Charlottenburg (BVV-Saal), Otto-Suhr-Allee 100, Berlîn, li dar dikeve. Bo têkiliyan: Beha Mihemed: tel: 0171-9500255   veger rûpela destpêkê  copyright © 2000-2003 amude.com [ info@amude.com ]