www.amude.com - navenda çanda kurdî 28.06.2003 - 22:53 Rewşenbîrên kurd li Sûryayê piştgiriya daxwazên zarokên kurd dikin QAMIŞLO (amude.com) - Ji "Rewşenbîrên kurd li Sûryayê" bangek ji malpera Amûdê re hate şandin, ku tê de piştgiriya daxwazên zarokên kurd dikin û azadiya girtiyên xwepêşandana zarokan li Şamê dixwazin. Em nivîsa bangê li vê derê diweşînin: Bang Di roja 25.6.2003an de li Şama paytext, meşeke aşityane ya zarokên kurd bi gurzên gulan çû ber bi deriyê UNICEF ve, da ku daxwazên xwe ji bo wan pêşkêş bikin. Lê mîna her car, hêzên ewlekarî û parastina sîstemê, li pêşiya wan sekinîn û ew bi şêweyine zordestî xistin astengiyê. Zarokên kurd li gorî hevpeymanên netewan, ku Sûryayê bixwe li ser imze kirine, doza mafên xwe di wekhevî, nasname û zimanê dayikê de dikirin, û herweha mafên xweser ên zarokan. Lê Sûryayê careke din li dijî peymanên xwe derket. Em, rewşenbîrên kurd li Sûryayê, dengê xwe tevî dengê van zarokan dikin û azadiyê ji bo girtiyên, ku zarok parastibûn, di lezgîntirîn demê de dixwazin. - Bijî mafê zarokan li her derê - Şermezarî bo şêweyên dij zarokan - Azadî bo girtiyên parastina zarokan 28.06.2003   veger rûpela destpêkê  copyright © 2000-2003 amude.com [ info@amude.com ]