www.amude.com - navenda çanda kurdî 25.06.2003 - 23:25 Piştgiriya zarokên kurd bi helbestekê QAMIŞLO (amude.com) - Helbestvan û nivîskarê kurd Konê Reş bi helbestekê piştgiriya xebata zarokên kurd di Roja Cîhanî ya Zarokan de dike. Em zarokên Kurda ne Ji bê pirsî winda ne Kesî haj me tunî ne Va em jî reben ma ne Cejna zarokên cîhan Ji mafê me ye dîlan Em jî bi kêf û şadî Bi raqisin bi lîlan Lê mixabin sed carî Jiyana me reştarî Ya heval û hogiran Buhar li wan dibarî Zimanê dê qaçax e Bav bi nalîn û wax e Wa Netewên Yekgirtî! Ji vê rewşê me daxe Kurd ne hov û bela ne Em jî zarokên wa ne Daxwaza me aştî ye Çima bi we giran e ?! Gelî zarokên cîhan Bîst û pêncê cehzeran Cejna me mendala ye Ji bil zarokên Kurdan Ji mafê me jî azadî Bi cejin û kêf û şadî Bi yarî û nûcil bin Bilind bangkin azadî Çima wisa em dîlin Weha em ne li bîrîn Wa Netewên Yekgirtî! Em zarok in hêsîrin Armanca me aşîtî Hezkirin û biratî Gunehê me çi heye Kîn û pevçûn hilatî   veger rûpela destpêkê  copyright © 2000-2003 amude.com [ info@amude.com ]