www.amude.com - navenda çanda kurdî 10.07.2003 - 10:30 Bibîranîna Diyar Doskî bi helbestekê Diyar Doskî QAMIŞLO (amude.com) - Doh, çil roj li ser mirina rewşenbîrê kurd Diyar Doskî re derbas bûn. Helbestvan û nivîskarê kurd Konê Reş Doskî bi helbestekê bi bîr tîne. Jiyan bêbext û ewle ye Ji giyanê Diyar Mihemed Seîd Doskî re diyarî Dosto..! Deh sal derbas bûn Reşbelek bi dûv reşbelekê de Tixûb derbas dikirin û Bi saya te û wan reşbelekan Dostanî fireh bû: Reşbelek ji Dr. A. Botanî, Mûsediq Tovî û Selah Hirorî... Ji bo yek armancê Yek omîdê Yek rêbazê û Yek Kurdistanê Di hatin hinartin... Dosto..! Bi saya te Dihok û Qamişlo Bi hev re hatin Hunandin Hesîb û Serbest Di bin barê Metîn û reşbelekan de Westiyan westiyan Dosto..! Bi saya te Di van deh salan de Bi dehên reşbelekan Bi dehên pirtûkan Bi dehên gotaran Bi dehên helbestan û Bi dehên kul, êş û Janên kurdewariyê Li Qamişo û Dihokê Hatin nivîsandin û Di nav rûpelên Metîn de Belav dibûn.. Dosto..! Bi saya te Me Nalbend Ji nêzîk ve naskir Serboriya Enwerê Mayî Ji nû ve xwend Salih Elyûsifî û Behaeldîn Amêdî Di huşê me de hatin çesipandin.. Dosto..! Rast e Di van deh salan de Du carî çavên me Bi dîtina hev Hatine kil kirin Belê me deh qat Dilsoziya hest Wefadariya rêbaza Barzanî û Bê layena kurdewarî Di kesayetiya te de naskir Belê mixabin û Sed carî mixabin Qeder bêbext û ewle ye: Çawa darek bi ber Di salek bi ber Buharek bi ber û Rojin dîrokî de Qurquçand Gelo çima qurquçand..?!   veger rûpela destpêkê  copyright © 2000-2003 amude.com [ info@amude.com ]