DORTMUND (amude.com) - Yek ji girtiyên ku doh ji Israîlê hatin Elmanyayê, kurdekî başûrê-rojavayî Kurdistanê ye. Ji ber tirsa zindankirinê û kuştinê li Libnanê û Sûryayê, wî û sê girtiyên din (2 erebên sûrî û yekî libnanî) doh nexwestin li gel girtiyên din biçin Libnanê û ji elmanan xwestin ku wan li Elmanyayê bihêlin. Herçaran îro li bajarê Dortmundê li Elmanyayê doza mafê penaberiyê kirin.

DORTMUND (amude.com) - Bi destpêka vê hefteyê, 2 veyrusên nû bi navên "MyDoom" û "MyDoom.B" di rêya emailan re belav dibin. Kesê ku van agahdariyan bixwîne, dê ti derfetê nede "MyDoom" û "MyDoom.B" ku cihê xwe di compûtera wî de bigirin: [Bixwîne]

STOCKHOLM (amude.com) - Ji bo bibîranîna serokê xwe yê berê Hemreş Reşo û hemû şehîdên partiya xwe, Partiya Demokrat a Kurdistan-Bakur dê roja 07.20an li Stockholmê merasimeke gotarxwendinê li dar xîne. Hemreş Reşo di 27ê meha çileya pêşîn a 2002an de li Elmanyayê çû ser dilovanîya xwe. [Bixwîne]

BERLÎN/PARÎS (amude.com) - Hans-Joachim Ehrig, parêzerê malbatên siyasetvanê kurd Dr. Sadîq Şerefkendî û hevalên wî yê berê, ragihand Malpera Amûdê, ku Elmanya nikare bi hêsanî kujerên kurdan serbest berde. Ji bo vê yekê, weha Ehring, divê serokê Elmanyayê girtiyan efu bike û ev yek jî bi prosêsekê ve girêdayî ye. [Bixwîne]

KÖLN (amude.com) - Ji bo piştgiriya biryarên Perlemana Kurdistanê "Federalîzm li ser bingehên siyasî, cografî, netewî û dilxwazî", hêzên kurdistanî ji çend welatên Ewropayê dê roja 07.02.2004an li bajarê Köln li Elmanyayê xwepêşandaneke aştyane li dar xînin. Hunermendên kurd Şivan Perwer, Fatê û Evîna Welat dê bi muzîka xwe beşdarî vê çalakiya piştgiriyê ji bo başûrê Kurdistanê bibin.

MÜNCHEN (amude.com) - Li ser daxwaza Komela Kulturê Kurdî li bajarê elmanî München, rewşenbîrê kurd Dr. Cemal Nebez dê roja 31ê vê mehê li Münchenê semînarekê li ser rewşa Kurdistanê û bi taybetî ya başûrê Kurdistanê pêk bîne. Semînar li Eine-Welt-Haus, Schwanthalerstr. 80, 80336 München, pêk tê û demjimêr 15.00 dest pê dike.

ELMANYA/BIELEFELD (ÊVAR BAŞ) - Li Stenbolê, nêzîk pirtûkeke helbestan a helbestvan Hoşeng Broka li jêr navê "Derengî bajêr, weha diniqutim nimêja navê te" tê weşandin. ÊVAR BAŞ helbesteke dirêj ji vê pirtûkê di nav rûpelên xwe de weşandiye. [Bixwîne]

Rezoyê Osê - QAMIŞLO (ÊVAR BAŞ) - Silogana herî cihgirtî li ba rûsan di cenga cîhanî ya duyemîn de: "Poduha - Mamb zabem!" bû. Ango "Niştîman - Dê gazî dike!"
Belê, dayika dayikan niştîman e, welat e, ax, av û ba ye. Ew xaka rengîn û asmanê şîn e. Erê, dema dê dike gazî, fîxan dike û banga xwe dighîne zarokên xwe (niştecihan). [Bixwîne]

SYDNEY (amude.com) - Li ser daxwaza kurdên Australya û yên New Zealandayê, hunermendê bi nav û deng Şivan Perwer dê li 4 bajaran australî 4 konsêrtan pêk bîne. Bi van konsêrtan kurdên wê derê dixwazin bidawîhatina rêjîma dîktator Sedam Hisên pîroz û cejn bikin. [Bixwîne]

DORTMUND (amude.com) - Li jêr sernivîsa "Azadiya rengan", dezgeha kulturê ya bajarê Sulzbach li Elmanyayê dê pêşangeheke ji bo tabloyên hunermendê kurd Reşad Yûsiv pêk bîne. Ji bilî serokê şaredariya Sulzbachê Hans-Werner Zimmer, dê hin kesayetî û hunernasên elman beşdarî vekirina pêşangehê bibin. Pêşangeh 13.02an vedibe û 04.03.04an bi dawî tê. Yûsiv di 1969an de li Efrînê li başûrê-rojavayî Kurdistanê ji dayik bû û ji dawiya sala 1997an ve li Elmanyayê dijî. [Bixwîne]

Dr. Zorab Aloian - ELMANYA/BREMEN (amude.com) - Yekşemba borî, Mîxayîl Saakaşvîlî bi awêrdeke fermî li paytexta Gurcistanê Tiblîsê bû serokkomarê Gurcistanê. Bi dehan hezaran temaşevan li ber Parlamenta Gurcistanê civiyabûn û di gel wan mêvanên payebilind mîna wezîrên karên derve yê Emêrîkayê Colin Powell û yê Rûsyayê Îgor Îvanov jî li wir amade bûn. Mîxayîl Saakaşvîlî sond xwar û piştre axavtinek li ser rewşa dewleta xwe pêşkêş kir û tê de behsa kurdên Gurcistamê jî kir. [Bixwîne]

TEL AVÎV/BERLÎN (dpa/amude.com) - Hikûmeta Elmanyayê amade ye, ku hersê kujerên siyasetvanê kurd Dr. Sadîq Şerefkendî û hevalên wî Fetah Ebdulî, Homayun Erdelan û Nurî Dêhkurdî, yên ku di 17.09.1992an de di xwaringeha 'Mykonos' de li bajarê Berlînê hatin kuştin, serbest berde, weha rojnameya israîlî Haaretz îro ragihand. Kujerên îranî û libnanî dê bibin berdêlî di bazarvaniya guhertina girtiyan de ya di navbera Israîl û Hîzbullahê de. [Bixwîne]

Kakşar Oremar - DÜSSELDORF (amude.com) - 58 sal berî niha, bajarê şêrperwer Mihabad li rojhilatê Kurdistanê şahidê bûyereke giring bû, ku di rûpelên dîroka Kurdistanê de xwedî cihekî taybetî ye. 60 sal berî niha, rewşa cîhanê bi giştî û ya Kurdistanê bi taybetî gelek paşdemayî bû. [Bixwîne]

Miço Kendeş - GENÈVE (amude.com) - Gava ku berpirsiyara min a hunerî (manager) telefona min kir û got "Tu dixwazî li Tirkiyê bistrê?", ez bîstekî mijûl mam û gelek tişt di serê min re derbas bûn…
Festîvaleke navneteweyî ya mûzîka miletan (traditional music) her salekê li bajarekî cîhanê bi navê (STRICTLY MONDIAL) li dar dikeve. Îsal, 2004an, ew li Stenbolê bi cih dibe. [Bixwîne]

Rezoyê Osê - QAMIŞLO (ÊVAR BAŞ) - Kalekî sermest di pêkenînokeke serwext de, li ber roniyê li tiştekî digere. Mirovek lê radiweste, dipirse: "Mamo, tu li çi digerî?" Dibêje: "Taximê min ji devê min ketiye, ez lê digerim!" [Bixwîne]

Rêbiwar Pîremêrd - STENBOL (amude.com) - Doh li Stenbolê, konsêrteke hunermend Ciwan Haco bi beşdariya 20 hezar kesan li Stadyoma Abdi Îpekçî pêk hat. Ji ber nebûna cih, gelek kesan nakarîn bikevin hundir. Coşa konsêrtê bû sedema ecqeyê û konsêrt di nîviyê de bi dawî bû. Alîgerên KONGRA-GEL konsêrt kirin çalakiyeke siyasî û di navebera stranan de dirûşmên piştgiriyê ji bo Abdullah Ocalan anîn zimên. [Bixwîne]

QAMIŞLO (amude.com) - Leystika ku îro li Qamişloyê di navbera yanya Cîhad û ya Ceblê de pêk hat, wekhev bi dawî bû. Ne Cîhad û ne jî Ceblê karîbûn serkeftinê bi dest ve bixin. Bi vê yekê, xaleyên Cîhad dibin 3ê û ew her ya dawî di rêza yanayên zamdora goka li Sûryayê de dimîne. [Bixwîne]

QAMIŞLO (amude.com) - Doh li bajarê sûrî Lazqiyê, tîma Cîhad a gokê têkçunên xwe berdewam kir. Cîhad di leystika li gel tîma Tişrîn de nikarîbû ti golan bîne, lê di xuleya siyê ji dema windayî de, Tişrîn golê serkeftinê li ser Cîhad derbas kir. Ev leystik a pêşî bû, ku Cîhad li gel rahênerê xwe yê nû Musa Şemas pêk anî. [Bixwîne]

QAMIŞLO (amude.com) - Li Qamişloyê, du berhemên nû yên helbestvan Ferhadê Içmo hatin belavkirin. Yek ji wan dîwana Içmo ya 6an a bi navê 'Landik 2' e. Berhema din ji kasêtekê pêk tê, ku helbestvan Içmo bi dengê xwe pêşberî dengê seydayê Cegerxwîn rawestiyaye û bersiva çend helbestên wî dide. Ferhadê Içmo di sala 1960an de li bajarê Qamişloyê ji dayik bû û ta niha 6 pirtûkên wî yên helbestê derketine. [Bixwîne]

Rêbiwar Pîremêrd - STENBOL (amude.com) - Navê Ciwan Haco piştî salên nodî li bakûrê Kurdistanê hêdî hêdî belav bû. Ewil, tenê ciwanan ew guhdarî dikir. Bi taybetî jî ciwanên xwendekar. Kasetên wî li Tirkiyeyê tune bûn, lê di bin destan de bi awayekî dihatin peydakirin û kopîkirin. Piştî ku kaseta wî ya bi navê "Sî û sê gule" li Tirkiyeyê bi awayekî zagonî derkete piyaseyê, êdî hêdî hêdî ew di nava gel de jî hate naskirin. Dûre kasetên wî yên bi navê "Dûrî", "Bilûra min", "Destana Egîdekî" û yên din yek bi yek li Tirkiyeyê hatin derxistin... Ji xwe bi vebûna MED TV re êdî me reng û rûyên wî jî dîtin û konserên wî jî temaşe kirin.. [Bixwîne]

DIHOK (amude.com) - Di rapirsekê de li başûrê Kurdistanê, 86,71% ji kurdan federalîzma bê Kerkukê napejirînin. 7,64% ji kesên ku pirs ji wan hate kirin, erêkirina xwe dan sîstemeke federal bo kurdan bêyî hebûna Kerkukê tê de, û 5,65% ji wan nerîna xwe eşkere nekirin. Rapirs ji aliyê Navenda Fikrî ve hate kirin. [Bixwîne]

Rezoyê Osê - QAMIŞLO (ÊVAR BAŞ) - Şivanê berxên gundê me sîpe bû. Kurkekî kevnar li xwe dipêça û di destpêka buharan de berx li nav dexlan qar dikirin. Me zarokan jî virnîkên xwe dibirin nav berxên şivên, û li wir dest bi daneheva çavçêlek û penîrokan dikir; carcaran jî li şinêrekan digeriyan. Lê me xwe ji daneheva sûrimê jî bêpar nedihişt. Bi ser ku sûrim rengek ji sîrên kovî (xweristî) ye. Lê ji sûrimê jî babetek bi navê bacê hebû. [Bixwîne]

Şahînê Bekirê Soreklî - SYDNEY (amude.com) - Ez vê nameyê ji we rewşenbîrên ereb re dinivîsînim, ku xwediyên wjdaneke li ser hîmê mentiqê û edelatê ne, bo rewşenbîrên xwe wek beşekî ji civata mezin a mirovan, ku bi demê re dihêt guhertin dihesibînin, bo ewên ku piştgiriya mafên bingehîn ên hemî mirovên cîhanê dikin, paşrehên wan ên neteweyî û olî çi dibin jî. [Bixwîne]

QAMIŞLO (amude.com) - Mihemed Emîn Mihemed, endamê Rêxistina Parastina Azadiyê û Demoqratiyê û Mafên Mirovan li Sûryayê, dê roja şemiya bê ji bajarê Qamişlo beşdarî semînareke 'Koçka Qamişlo Bajarê Evînê' ya Paltalkê bibe û li ser mafên mirovan li Sûryayê biaxive. Semînar demjimêr 21.00 dest pê dike û 01.00 bi dawî tê.

WAŞINGTON (afp/amude.com) - Richard Perle, yek ji şêwirdarên wezîrê Emerîka yê parastinê Donald Rumsfeld, doh li Waşingtonê ragihand, ku problêmên mezin têkiliyên di navbera Emerîka û Sûryayê de nexweş dikin. Herweha wî eşkere kir, ku Emerîka dixwaze siyaseta sûriyan biguherîne. Emerîka Sûryayê tawanbar dike, ku ew rê ji terorîstan re vedike, ku biçin Iraqê û bi karê xerabiyê rabin. Herweha ew piştrast dike, ku çekên kîmyawî li gel Sûryayê hene û ew wan çêdike. [Bixwîne]

ŞAM (amude.com) - Îro li dadgeha ewlekariya dewletê li Şamê, dadgehkirina 7 girtiyên kurd dest pê kir. Dadgehê girtiyan tawanbariya endametiya rêxistineke îlegal û herweha perçekirina beşekî ji Sûryayê û girêdana wî bi dewleteke biyanî ve kir. Girtiyan ev yek inkar kirin. 11 parêzerên kurd û ereb ji bo parastina girtiyan ketibûn dadgehê. Ji derve, dora 500 kurd û ereb bi dirûşman doza azadiyê ji bo girtiyan dikirin. Dadgehkirina girtiyan 3 demjimêran dirêj kir û di 22.02.2004an de berdewam dike. [Bixwîne]

LONDON (amude.com) - Di 23ê vê mehê de, li Londonê dê ji aliyê Kongreya Niştiman a Kurdistan (KNK) ve civîneke giştî ji bo hemî partî, rêxistin û kesayetiyên ji başûrê-rojavayî Kurdistanê li dar keve. Di civînê de, dê li ser rewşa cîhanê ya nî û bidestxistina mafên kurdan li başûrê-rojavayî Kurdistanê û Sûryayê bête guftûgokirin. [Bixwîne]

DORTMUND (amude.com) - Di dengdana malpera kanala televizyonê El-Cezîrê de, 40,3 % hebûna dewleteke kurdî pejirandin û 50,7 % li dijî dewleteke kurdî bûn. Ji bo vê dengdanê 77512 deng hatin jimartin. Li gorî hejmara kurd û ereban, encama vê dengdanê ji bo kurdan tiştekî erênî ye.

Dilêş - QAMIŞLO (amude.com) - Berî du rojan, yana Cîhad li ser axa xwe li bajarê Qamişlo û di nav cemawerên xwe de tûşî têkçûneka mezin a din hat, vê carê li ser destê yana el-Mecid a ku ji Sama paytext bûbû mêvan. Cîhad bi sê golan têk çû, bêyî ku bikaribe golekî jî bavêje. [Bixwîne]

Bavê Sozdar - QAMIŞLO (amude.com) - Di 05.01.2004an de, Partiya Yekîti ya Kurd li Sûryayê li Qamişloyê çalakiyek ji bo 99 saliya Osman Sebrî li dar xist. Komek ji rewşenbîr, hunermend û komên folklorê kurdî beşdarî vê çalakiyê bûn û xebat û jiyana Osman Sebrî bi bîr anîn. [Bixwîne]

STOCKHOLM (amude.com) - Bi destpêka sala 2004an ve, weşanên beşê kurdî yê radyoya Swêdê ya navneteweyî (Zayele) nîv seetê dirêjtir bû. Bi vê yekê, radyoya Zayele dê 4 caran di hefteyê de programên bi zimanê kurdî biweşîne. [Bixwîne]

ENQERE (dîha/amude.com) - Di roja 04ê vê mehê de, li Enqereyê yekemîn kongreya Partiya Maf û Azadiyan (Hak-Par) li dar ket. Serokê partiyê Ebdulmelik Firat dîsa ji bo serokatiya Hak-Parê hate helbijartin. Partiya Maf û Azadiyan (Hak-Par) berî salûnîvekê hatibû damezirandin. [Bixwîne]

Rezoyê Osê - QAMIŞLO (ÊVAR BAŞ) - Seyda M. E. Palo -xwedê wî bi dilovaniya xwe şa bike- poêmeke ji deh hezar (10.000) malik bi navê "Civîna nemiran" hûna bû.
Zîlana poêmê wisa bû: Palo dimre û li wê dunyayê M. E. Xanî dibîne. Palo dixwaze di riya Xanî re navdarên kurd û kurdewariyê binase. [Bixwîne]

AMED (dîha/amude.com) - Li Amedê dê nêzîk Enstîtûya Zimanê Kurdî vebe. Ji bo enstîtûyê li bajaroka Huzurevleriyê avahiyek hate çêkirin. Di nav avahiya enstîtûyê de hem dibistana zimanê kurdî û hem jî enstîtûya kurdî heye. Herweha enstîtû xwedî saloneke konferansê û pirtûkxaneyekê ye. Enstîtû dê di meha rêbandanê de bête vekirin. [Bixwîne]

ŞAM/DORTMUND (amude.com) - Yekşema bê, roja 11ê vê mehê, dê li dadgeha ewlekariya dewletê li Şamê dadgehkirina 8 girtiyên kurd dest pê bike. Li gel ku bêtirî 127 parêzerên ereb û kurd xwe ji bo paraztina girtiyan qeyd kirine, lê rêjîma sûrî ta niha jî nepejirandiye ku ti kes wan biparêze. Hemû girtî ji ber beşdarbûna wan di xwepêşandana zarokên kurd di 25.06.2003an de hatin girtin û ji wê rojê ve bi şêweyekî xurt têne işkencekirin. [Bixwîne]

DORTMUND (amude.com) - Rêxistinên Elmanyayê yên partiyên kurdî li Sûryayê yên li herêma Nord-Rhein Westfalen dê îsal bi tenê şahiya cejna Newrozê li dar xînin. Ahenga Newrozê dê roja 20.03an li bajarê Herne pêk were. Di salên dawî de, ji bilî PKK/KADEK hemî partiyên kurdî li Elmanyayê bi hevre Newroz cejn dikirin.

ELMANYA/ESSEN (amude.com) - Li ser daxwaza komeleya dostên helbestê li bajarê Egadîr li Mexribê, helbestvanê kurd Merwan Elî dê roja 10ê vê mehê ji Elmanyayê biçe Mexribê û li wê derê beşdarî semînarekê bibe û ji berhema xwe ya neçapkirî "Ava doh" helbestên xwe bixwîne. Herweha ew dê li ser tecrubeya xwe ya nivîsandina bi zimanê erebî û bandora zimanê kurdî li ser nivîsandinên xwe biaxife. [Bixwîne]

AMÛDÊ (amude.com) - Li bajarê Amûdê li başûrê-rojavayî Kurdistanê, vê beyaniyê xelkê çavên xwe vekirin û dîtin ku bajarê wan kirasekî sipî li xwe kiriye. Li Amûdê "hevîrtirşê erdê" bariya, berf bariya. Li wê derê, taybetî ji bo Malpera Amûdê çend wêne hatin kişandin. [Li wêneyan temaşe ke]

DORTMUND (amude.com) - Yekemîn televizyona kurdî ya li ser internêtê dest bi weşana xwe kir. Televizyona KNN TV a internêtî, ku ji Holendayê ve weşana xwe dike, yekemîn programa xwe di malpera xwe de weşandiye. KNN TV di malpera xwe de nivîsandiye, ku ew telvizioneke taybet û serbixwe ye û dixwaze raya giştî agahdarî rewşa miletê kurd li Kurdistanê bi giştî û li Başûrê-Rojavayî Kurdistanê bi taybetî bike û bibe girêdanek di navbera kurdên li hundir û derveyî Kurdistanê. [Bixwîne]

STOCKHOLM (amude.com) - Di daxuyaniyekê de, 101 kurd ji seranserî cîhanê helwesta xwe li dijî sîstema li ser bingehê wîlayetan li Iraqê diyar dikin û piştgiriya biryara perlemana Kurdistanê û daxuyaniya Mesûd Barzanî derbarî otonomiya kurdan li Başûrê Kurdistanê dikin. Herweha ew bangî hemû kurdan li seranserî cîhanê dikin, ku yekdengiya xwe ya ji bo paraztina maf û daxwazên xwe xurtir bikin. [Bixwîne]

DORTMUND(amude.com) - Malpera emerîkî military.com wêneyek Sedam Hisên weşandiye, dema ku ew ji aliyê leşkerên emerêkî ve hate girtin. Hîn nediyar e bê ev wêne rast e yan na. Ev wêne yekser piştî girtina Sedam hatiye kişandin.
Military.com rêklamê ji leşkeriya Emerîkayê re çêdike û her meh dora 2 milyon caran tê vekirin. Têkiliyên wê bi leşkeriyê re jî gelekî xurt in. [Li wêneyê temaşe ke]

STOCKHOLM (dpa/amude.com) - Kujerê wezîra Swêdê ya derve ya berê Anna Lindh li kiryara xwe mukir hat, weha parêzerê wî îro li Stockholmê ragihand. Mijailo Mijailovic (25) ê ku bi eslê xwe ji Serbiyayê ye, di 10.09.2003an de Lindh bi kêrê kuşt. Anna Lindh piştgireke miletê kurd û doza wî bû.

DIHOK (amude.com) – Bi semînareke li gel nivîskar Muhsin Osman, rêxistina Dihokê ya Yekîtiya Nivîskarên Kurdistanê pêncşema borî dest bi çalakiyên xwe yên çandî di sala nû de kir. Osman li ser têkstê û şêweyên wê û herweha nerînên pisporên biyanî derbarî têkstê rawestiya. [Bixwîne]

KOBANÎ (amude.com) - Di ahengeke taybetî de di êvara sersala 2004an de, hêzên ewlekariya siyasî yên sûrî li bajarê Kobanî li Başûrê-Rojavayî Kurdistanê êrîşî hunermendê kurd Reşîdê Sofî kirin û nehiştin ku ew stranên bi zimanê kurdî pêşkêş ke. [Bixwîne]

ENQERE (afp/diha/amude.com) - Di hevpeyvînekê ji bo televizyona CNN-Turk de, serokê Suryayê Beşar el-Esed eşkere kir, ku Sûrya li dijî perçekirina Iraqê û damezirandina Kurdistaneke serbixwe li Başûrê Kurdistanê ye. El-Esed ev gotin di êvara çûna xwe ya dîrokî ji bo Tirkiyeyê de gotin. [Bixwîne]

ROTTERDAM (sid/amude.com) - Stêra holendî ya gokê ya berê Ruud Gullit dê ji 01.07.2004an ve bibe rahênerê tîma Feyenoord Rotterdam a holendî. Gullit niha rahênerê helbijardeya holendî ya leystikvanên kêmî 19e salan e. Di leystikên Euro 2004an de, ku dê ji 12.06-04.07an li Portugalê pêk werin, ew dê alîkariya rahênerê helbijardeya Holendayê Dick Advocaat bike.

STOCKHOLM (amude.com) - Bi destpêka sala 2004an, li Swêdê kovareke internêtî ji bo helbestan bi navê 'Helbestan' dest bi weşanê kir. [http://members.chello.se/helbestvan]

Salih Cefer - ARNHEM (amude.com) - Piştî bûyerên salên heştêyî ku li Sûriyê qewimîn, tevgera siyasî ya sûrî bi hemû hêzên xwe (ji bilî partiyên eniya deshilatdar) kete ber êrîşeke pir dijwar ji aliyê hêzên leşkerî û paristinên sûrî ve. [Bixwîne]

QAMIŞLO (amude.com) - Di gera şeşan ji zemdora sûrî ya gokê de, doh li bajarê Dêr el-Zorê li Sûryayê yanaya Cîhad ya gokê leystika xwe ya di li gel yana el-Yeqeze kir û tê de herdu bi du golan wekhev derketin. Qezzafî Ismet û Salihê Silêman herdu golên Cîhad avêtin. [Bixwîne]

Sîrwanê Hecî Berko - DORTMUND (amude.com) - Macid Birkî (Macid Ehmed Mihemed, 29 salî) qaçaxçiyekî mirovan e. Li gel grûpa xwe û bi alîkariya rêjîma Sûryayê, wî bi hezaran kurdên Başûrê-Rojavayî Kurdistanê di rêya Libnanê re derxistin Ewropayê. Bi alîkariya agahiyên polîsên elman, Birkî di 23.04.2003an de li Libnanê hate girtin. Lê piştî 6 mehan, ew ji aliyê dadmendekî leşkerî ve serbest hate berdan, li gel ku Birkî li tawanbariyên xwe mûkir hatibû. [Bixwîne]

DORTMUND (ÊVAR BAŞ) - Dîwana helbestvan Rênas Jiyanî ya duyem bi navê 'Mexzena Xwînê' di nav weşanên 'Belki'yê de li Amedê derket. ÊVAR BAŞ 3 koleksiyonan ji vî dîwanê diweşîne û dê di demeke nêzîk de nirxandineke berfireh li ser koleksiyonên Jiyanî biweşîne. [Bixwîne]

STENBOL (amude.com) - berî demekê, du pirtûkên nû ji weşanxaneya "MÎR" li Stenbolê derketin. Romana Îbrahîm Seydo Aydoganî "Leyla Fîgaro" û kurteçîrokên Enwer Karahanî "Duaya êvarê" hatin weşandin. Ji bo herdu nivîskaran ev pirtûkên wan ên duyemîn in ku dikevin ber destê xwendevanê zimanê kurdî. [Bixwîne]