30.12.2002 - 23:20
Serxweşî bo Hemreş Reşo li Stockholmê
STOCKHOLM (amude.com) - Komîteya Hevkariyê û Federasyona
Komeleyên Kurdistanê li Swêdê dê roja
05.01.2003an, demjimêr: 14.00e, li Stockholmê, Tensta Träff, serxweşiyekê
bo serokê rehmetî yê Partiya Demokrat a Kurdistanê - Bakur,
Hemreş ReŞo, li dar xînin.
|
30.12.2002 - 01:19
HEMREŞ REŞO:
"Bes in zêdegaviyên netewî û xapandina gel bi avakirina Kurdistaneke serbixwe."
HELEB (amude.com) -
Berî koça siyasetmedar û welatperwerê
kurd HEMREŞ REŞO ya dawîn bi demeke kurt,
rojnamevan Ibrahîm Ibrahîm hevpeyvînek bi serokê
PDK-Bakur re li "Çiyayê Kurmênc" li Kurdistana Sûriyê çêkiribû.
Ev hevpeyvîn cara yekemîn li vêderê tê weşandin.
|
29.12.2002 - 18:19
Kurdên "Binxetê" di bernameyeke taybetî de
BRÛKSEL (amude.com) - Di bernameyeke taybetî de, kenala
Medya TV dê roja îna 03.01.2003an, demjimêr 20.00, piştî
nûçeyên tirkî, guftûgoyeke berfireh li ser pirsgirêka kurd li
Başûrê Rojavayî Kurdistanê biweşîne.
Bername dê li ser rewşa siyasî, çandî, aborî û civakî be li gel guftûgoya
li ser rêyên çareserkirina pirsgirêka kurd li Sûriyê û li Kurdistanê.
|
29.12.2002 - 17:59
"NEWROZ" û "DENG" banga azadiya girtiyên kurd dikin
ŞAM (amude.com) - Di bangekê de ku ji Malpera Amûdê
re hate şandin, kovarên kurdî "NEWROZ" û "DENG"
girtina herdu siyasetmedarên kurd, Hesen Salih û Merwan Osman,
şermezar dikin û ji "banga hemî hêzên kurd,
netewa Sûriyê û komîteyên mafên mirovan dikin ku
piştgiriya van girtiyan û doza berdana wan bikin".
|
28.12.2002 - 02:36
Hemreşê Reşo dê li Kurdistanê bê veşartin
DUISBURG (amude.com) - Li gor agahiyên ji malbata
Hemreşê Reşo yê ku do li Almaniyayê
çû rehmetê, ew dê roja duşemê
canê Hemreş bibin gundê jidayikbûna wî Kaxta,
nêzîkî bajarê Semsûrê (Adiyaman), û li wêderê
di nav axa Kurdistanê de veşêrin.
Hêjayî gotinê ye ku serxweşiya malbata Hemreş dê
îro û sibe li bajarê Mülheim (Ruhr) li Almaniyayê be.
Piştî van rojan dê li kuderê be, hîn ne diyar e.
Navnîşan: Aktienstrasse 23a, 45468 Mülheim (Ruhr)
telefon: +49 170-5273158 (Beyrem), +49 171-2141771 (Rojhilat Amedî), +49 160-4407933 (Fikret)
|
27.12.2002 - 21:48
Hemreş Reşo ji yên pêşî bû ku di rêya tora kurdî de xebat li Ewropa kir
HANNOVER (amude.com) - Di daxuyaniyekê de ku ji Malpera Amûdê
re hate şandin, "Yekîtiya Nivîskarên Kurdistan -Rojava- li Elmaniya"
xemgîniya xwe li ser mirina serokê "PDK-Bakur" Hemreş Reşo yê
ku îro li Almaniyayê koça dawîn kir, diyar dike.
Di daxuyaniyê de, yekîtiya nivîskaran serxweşiyê ji hemî nivîskarên kurd
û ji malbata Hemreş re dixwaze û dibêje ku rehtemî
"di dilê me de ye, milk û mîratê Kurd û Kurdistan e".
|
27.12.2002 - 19:50
Hemreş Reşo çû ser dilovaniya Xwedê
BERLÎN (amude.com) - Îro di nexweşxaneya
bajarê Duisburgê li Almaniyayê, demjimêr 5ê sibehê,
serokê "Partiya Demokrata Kurdistan - Bakur" Hemreş Reşo
dawîn kir. Hemreş ji zûde bi nexweşiya pîs û xedar
penceşêrê ketibû.
Rehmetî jinekê û 5 zarokan bi dû xwe hişt.
Bo têkiliyê: +49 171-2141771 (Rojhilat Amedî), +49 160-4407933 (Fikret)
|
27.12.2002 - 00:53
Serokwezîrê Kurdistanê bi gel re diaxife
HEWLÊR (amude.com) - Nêçîrvan Barzanî, serokwezîrê
Herêma Kurdistanê, dê roja 28.12.2002an, demjimêr: 19.00,
bibe mêvanê "Koçka Kurdistanê" di programa Paltalkê de
û bi Kurdan re li ser rewşa Herêma Kurdistanê biaxife.
"Koçka Kurdistanê" odeyeke axaftinê ye di programa Paltalkê de.
Ev koçk ji aliyê endamên "Partî Demokratî Kurdistan-Iraq"
tê birêve birin.
|
25.12.2002 - 20:27
Şemsedînê Mistefa, pêşmergeyê dawî ji şervanên mala Eliyê Ûnis,
koça dawîn kir
QAMIŞLO (amude.com) -
Do, roja 24-12-2002an, demjimêr 11ê êvarî, li bajarê Qamişloyê Şemsedînê
Mistefayê Eliyê Ûnis çû ber dilovaniya Xwedê. Îro bi beşdarbûna cemawerekî mezin
ew di goristana "Qidûrbeg" de hat veşartin.
|
25.12.2002 - 01:17
Hesen Salih û Merwan Osman di zindana "Adra" de ne
STOCKHOLM (amude.com) - Nûnerê rêxistina
Ewropayê ya "Partiya Yekîtî ya Kurd li Sûriyê"
ragihand Malpera Amûdê ku herdu girtiyên kurd li Sûriyê,
Hesen Salih (60 salî) û Merwan Osman (40 salî),
niha di zindana "ADRA" li Şama paytext de ne. Ta niha tikesî nikarîbû
bi wan re têkeve têkiliyê.
|
24.12.2002 - 03:32
Sala 2003an - sala Seydayê Cegerxwîn
QAMIŞLO (amude.com) - "Hevdîtina Çandeyî" li
parêzgeha Cezîrê li Başûrê Rojavayî
Kurdistanê biryar stend ku sala 2003an bibe sala Seydayê
Cegerxwîn. Di sala 2003an de sed
sal li ser jidayikbûna Seydayê Cegerxwîn re derbas dibe.
|
23.12.2002 - 01:22
Ahenga Xelata Cegerxwîn a afirandina helbestî li Qamişloyê
pêk hat
Di roja 19-12-2002an de, li mala Seydayê Cegerxwîn li bajarê
Qamişlo û bi amedebûna keça wî xanim Sûad û zavayê wî avokat Osmanê
Osman, "Xelata Seydayê Cegerxwîn a yekemîn" di ahengekê de hate dayîn -
piştî 18 salan ji koçkirin û sed salî ji dayikbûna wî. Helbestvan
Seydayê Keleş yekmemîn xelata Cegerxwîn wergirt.
|
22.12.2002 - 21:56
"Rewşenbîrên Kurdistanê
gelekî zîrektir û berhemdartir in ji
rewşenbîrên derveyî Kurdistanê"
Di hevpeyvîneke bo kovara "Peyman - Edeb û Huner" (hejmar 116, 18.12.2002 /tîpên erebî)
ya ku li Başûrê Kurdistanê tê weşandin,
helbestvan Tengezarê Marînî dibêje ku
rewşenbîrên Kurdistanê
gelekî ji
rewşenbîrên derveyî Kurdistanê
zîrektir û berhemdartir in.
|
21.12.2002 - 01:27
"Yekîtiya Niviskarên Kurd/Duhok" du semînar li dar xistin
DUHOK (amude.com) -
Ji çalakiyên "Yekîtiya Niviskarên Kurd/Duhok" û
bi hevkariya Navenda Şawişka, roja 15.12.2002an
li hola Mihemed Arifê Cizîrî li Duhokê, simînarek ji
bo Nermîn Qeredaxî hate lidarxistin.
|
20.12.2002 - 01:23
"Mewceton min behrî ehzanî" û "Jan û jiyan" -
du behemên nû li Şamê çap bûne.
ŞAM (amude.com) -
Di dema dawî de, du dîwanên helbestan li Samê çap bûne:
"Mewceton min behrî ehzanî" (Pêlelek ji deriya kovanên min) sernavê dîwana helbestvana
kurd Diya Ciwan e. Ev dîwan ji aliyê wegêrê kurd Şêx Tewfîqê Huseynî hatiye
wergerandin bo zimanê erebî, û li çapxaneya Yazecî li Samê çap bûye. Dîwan ji 29 perçeyên
helbestî pêk tê.
|
20.12.2002 - 00:51
Herêmên Efrîn û Kobanê
di bin berfê de mane
HELEB (amude.com) - Do, piştî baraneke pir xurt bi ser herêma Efrîn
û Kobanyê de, berfek xweş barî û serma rojên dawî şikand.
Berfê rê girtin, bi taybetî derdora Reco rêyên di nav gundan de hatin girtin.
|
18.12.2002 - 11:32
Ji weşanên Malpera Amûdê du pirtûkên nû
Malpera Amûdê du pirtûkên nû di
forma dîcîtal de pêşkêşî
xwendevanê kurd dike:
Dîwana helbestan a helbestvan Xêrî Bozan "Hêlameve"
û "Rewşa xwendinê li kampa Mêrdînê" (berhevkirina
Xêrhat Abid û Guhdar Ebdulezîz).
|
17.12.2002 - 23:43
Helbestvana kurd Diya Ciwan şevbuhêrkek helbestê li navenda çanda rûsî
li Şamê li dar xist
ŞAM (amude.com) -
Doh, 16ê vê mehê, helbestvana kurd Diya Ciwan di gel helbestvanê
felestînî Ewed Se'ûd Ewed şevbuhêrkek helbestê li "navenda çanda rûsî"
li Şamê li dar xist. Diya Ciwan komek ji helbestên xwe yên wergerandî
bi zimanê erebî xwendin.
|
16.12.2002 - 23:35
Serokê Sûriyê hewceya şerê Iraqê
nabîne
LONDON (dpa-AFX/amude.com) - Serokê Sûriyê Beşar El-Essad
bawer dike ku pirsa Iraqê dê bi aşîtiyê
çareser bibe. "Ta niha hikumeta Iraqê gelekî
alîkar e", Essad duşemê piştî
civîna bi serokwezîrê brîtanî Tony Blair
li Londonê got.
|
16.12.2002 - 23:12
Nîgarkêşa kurd Cîhan Ibrahîm
di bernameya "Derya rengan" de
BONN (amude.com) - Di hevpeyvîneke
bi bernameya "Derya rengan" re di Medya TV de,
nîgarkêşa kurd Cîhan Ibrahîm
li ser hunera kurdî bi giştî û ya
xwe bi taybetî axift. Hevpeyvîna pê re
dê sibe, sêşema 17.12an, demjimêr
10.30, bê weşandin.
|
16.12.2002 - 20:53
Endamên komîteya Yekîtî ya siyasî li
Sûriyê hatin girtin
ŞAM (amude.com) - Li gor agahiyên rêxistina derve ya
"Partiya Yekîtî ya Kurd li Sûriyê", Merwan Osman û
Hesen Salih - du endamên komîteya siyasî ya partiyê -
li Şama paytext ji aliyê polîsên Sûriyê ve
hatin girtin.
|
16.12.2002 - 00:41
Kerîm Biyanî bû mêvanê "Hevdîtina
Sêşemê ya Çandî"
li Qamişloyê
QAMIŞLO (amude.com) - Şemiya borî li bajarê
Qamişloyê, nivîskarê kurd Kerîm Biyanî
bibû mêvanê "Hevdîtina
Sêşemê ya Çandî".
Biyanî li ser rê bû ber bi Başûrê
Kurdistanê ve.
|
15.12.2002 - 23:16
Xwepêşandaneke Kurdan li Londonê
LONDON (amude.com) - Di daxuyanikê de ku ji malpera Amûdê
re hate şandin, komîteya rêxistina Ewropa ya "Partiya Yekîtî ya Kurd li Sûriyê"
bangî "hemû hêzên kurd û welatparêz û raya giştî ya navnetewî"
dike ku sibe, duşema 16.12an, demjimêr 11ê beyanî, bi helkeftina seredana serokê Sûriyê Beşar
El-Esed li pêşiya
"Big Ben" û perlemana Ingiltirayê li Londona paytext
xwepêşandanekê li dar bixin.
|
14.12.2002 - 03:20
"KEZÎZER"a helbestvan Kemal Necim derket
BEYRÛT (amude.com) -
Ji weşanxaneya Amerda li Beyrûtê
pirtûka helbestvan Kemal Necim a bi navê "Kezîzer"
derket. "Kezîzer" pirtûka Necim a yekemîn e.
|
14.12.2002 - 01.30
ÊVAR BAŞ - pencereyek nû ji bo çand û
wêjeya kurdî
Ji 01.01.2003an ve, pencereyeke nû û azad bo çand
û wêjeya kurdî di malpera Amûdê de
vedibe.
Fermo ÊVAR BAŞê binasin û beşdarî geşkirina
vê pencereyê bibin.
|
13.12.2002 - 22:12
"Bernama Kurdî" dema weşana xwe diguhere
KÖLN (amude.com) - "Bernama Kurdî", bernameyek di radyoya
almanî de li herêma Nord-Rhein Westfalen li Rojavayî
Almaniyayê,
dema weşanê ji serê salê û pê ve diguhere.
Dema weşana wê ya nû dê ji 04.01.2003an ve
her şemî ji seet 19.00-19.30an be, û her yekşem
ji seet 21.30-22.00an bê dubare kirin.
|
13.12.2002 - 21:40
Helbestvan Tengezarê Marînî li Kurdistanê ye
DUHOK (amude.com) -
Helbestvanê kurd Tengezarê Marînî,
berpirsê "Yekîtiya Nivîskarên Kurdistan - Rojava",
ev çend roj ku seredana Kurdistana azad dike.
|
13.12.2002 - 19:03
Ahenga Xelata Cegerxwîn a afirandina helbestî li Qamişloyê
tê dayîn
QAMIŞLO (amude.com) -
Helbestvan Ibrahîm El-Yûsif, çavdêrê
"Xelata Cegerxwîn a afirandina helbestî", ragihand ku
ahenga xelatkirina helbestvan Seydayê Keleş
dê roja 17.12.2002an, demjimêr 8ê êvarî,
bi beşdarbûna xanim Sû´ad Cegerxwîn, keça
Seydayê Cegerxwîn, û jimareke mezin ji rewşenbîr
û rojnamevanên kurd, ereb û aşûrî
li mala Cegerxwîn li bajarê Qamişlo li dar keve.
|
12.12.2002
Xizmên endamên Partiya YEKÎTÎ hatin binçav kirin
STOCKHOLM (amude.com) -
Li gor daxuyaniyeke Partiya Yekîtî ya Kurd li Sûriyê (Peyvdarê derveyî)
çend xizmên endamên vê partiyê li Sûriyê hatin
binçav kirin. Sedemê van binçavkirinan çalakiya
protestoyê ye ya ku berî du rojan li pêşiya perlemana
Sûriyê pêk hat.
|
11.12.2002
Konsêrtek Nasirê Rezazî li Duhokê pêk hat
DUHOK (amude.com) -
Hunermendê kurd Nasir Rezazî îro li
Duhokê konsêrtek hunerî bi berhevbûna
hejmareka zor ji cemawerî li hola Mihemed Arifê
Cizîrî pêk anî.
|
11.12.2002
GERA PÊNÛSÊ - pirtûka Salihê Kevirbirî
ya nû
Stenbol (amude.com) - Piştî "Filîtê Quto" û "Karapetê Xaço",
bi "GERA PÊNÛSÊ" (Civak-Portre-Gotar-Gotûbêj) pirtûka
nivîskarê kurd Salihê Kevirbirî ya siyemîn
di demeke nêzîk de ji nav "Weşanên Pêrî" li Stenbolê
derdikeve.
"GERA PÊNÛSÊ" ji 256 rûpelan pêk tê.
Bo têkilîdanînê: Salihê Kevirbirî (e-mail: salihkevirbiri@hotmail.com)
Pêrî: Mesrutiyet Cad. Ankara Apt. No: 48/2 Galatasaray
Beyoglu (0090 212 251 49 01)
|
10.12.2002
Kurd li pêşiya perlemana Sûriyê protesto dikin
Şam (amude.com) - Di hevpeyvîneke telefonî de bi malpera Amûdê re, birêz Ebdulbaqî Yûsif,
berpirsê giştî yê Partiya Yekîtî ya Kurd li Sûriyê, daxuyand ku îro ji demjimêr 11-12 dora 200
Kurd li pêşiya perlemana Sûriyê li Şamê protesto kirin. Çalakiya protestoyê bê ti problêman
derbas bû.
|
10.12.2002
Roja cîhanî ya mafên mirovan
Îro berî 54 salan (10.12.1948), "Danezana gerdûnî ya mafên mirovî"
ji aliyê Komeleya Neteweyên Yekgirtî (NY) hate biryar kirin.
Di bîranîna vê biryara giring de, malpera Amûdê careke din
"Danezana gerdûnî ya mafên mirovî" bi zimanê kurdî (wergerandina: Dr. Kamiran Bêkes)
diweşîne:
|
10.12.2002
Di Pêncîûçar saliya belgeya mafê mirovan de
Ji dema maf û azadiyên mirovan ketine destê civakê û ji bo maf û kesîtiyên xwe biparêzin,
jiyaneke bêtirs, azad û wekheviyê pêk bînin, xebat û têkoşîna xwe berdewam kirine.
Di bin bandora xebat û têkoşîna mirovan de, guhartin û destkeftiyên curecur derketin holê.
Ew ji maf û azadiyên bingehîn re bûne stûn.
|
09.12.2002
"Komele û saziyên kurdî li Almaniyayê -
cih, armanc û berhengarî" - Civînek zanistî li Almaniya
BONN (amude.com) -
Navenda "NAVEND" bo lêkolînên kurdî
li Almaniyayê, roja 14ê vê mehê, demjimêr
9.45-17.30, li bajarê Bonnê civîneke zanistî
li dar dixîne. Babeta vê civînê "Komele û saziyên kurdî li Almaniyayê -
cih, armanc û berhengarî" ye.
|
09.12.2002
Evdê Gedo çû ser dilovaniya Xwedê
QAMIŞLO (amude.com) -
Do, roja 08-12-2002an, demjimêr 8ê êvarî, li gundê Gedo,
navbera Qamişlo û Hisiça, kalemêrî kurd (Evdê Gedo)
çû ber dilovaniya Xwedê, û îro bi beşdarbûna cemawerekî mezin
li gundê Gedo hate veşartin.
Evdê Gedo bavê siyasetmedarê kurd Salihê Gedo bû.
|
04.12.2002
Di 24 saliya koçkirina Mîr Dr. Kamîran Elî Bedirxan de
Konê Reş - Qamişlo
Îro berî 24 salan, di roja 4-12-1978an de, mîrê doktor Kamîran Elî Bedirxan li Parîsê koça dawîn kir.
Bi koçkirina wî, stêrek geş û bi ronahî di asmanê welat de rijiya.
|
04.12.2002
Helbestvan Ehmed Huseynî bi ziman û şêweyê xwe yê taybet rengekî
nû da helbesta kurdî
Helbestvan Ehmed Huseynî bi ziman û şêweyê xwe yê taybet rengekî
nû da helbesta kurdî. Wî bandoreke girîng li nifşa nû kir û ji bo
helbestvanên ciwan bû mînakek berbiçav. Niha 'Dîwan'a Huseynî ji aliye Weşanxaneya
Avestayê ve hate çapkirin. Helbestvan Îrfan Amîda û Kawa Nemir li ser Huseynî nivîsî.
|
02.12.2002
Yekemîn "Xelata Cegerxwîn a
afirandina helbestî" helbestvan Seydayê Keleş wergirt
QAMIŞLO (amude.com) -
Li Qamişloyê, komîteya "Xelata Cegerxwîn a afirandina helbestî"
helbestvanê kurd SEYDAYÊ KELEŞ helbijart bo wergertina
yekemîn xelata Cegerxwîn a afirandina helbestî.
|
|
|
