23.05.2003 - 22:03
Pijîşkên kurd li Elmaniyayê 25saliya xwe cejn dikin
GÖTTINGEN (amude.com) - Sibe li bajarê Göttingen, Komeleya Pijîşkên
Kurd li Elmaniyayê kongireya xwe ya salane li dar dixin. Di vê kongireyê de, ew
dê hem li axaftinên zanistî derbarî pijişkiyê guhdar bikin,
û hem jî li ser xebata komeleya xwe di 25 salên borî de biaxifin.
Di dawiya şevê de, ew dê li gel mêvanên xwe li muzîka
hunermend Şivan Perwer guhdar bikin û bi hevre 25saliya komeleyê cejn û pîroz bikin.
|
23.05.2003 - 17:14
Li ser Kurdên Sûriyeyê semînarek di paltalkê de
AMESTERDAM (amude.com) - Sibe, di Koçka "Kurdistan - Êra Dengê Kurdistan" a paltalk de,
semînarekê li gel Kawa Reşîd, endamê rêxistina Holendayê ya
Partiya Yekîtiya Kurd li Sûriyeyê, li dar dikeve. Mijara semînarê
"Rojavayî Kurdistanê û guhertinên teze" ye. Semînar demjimêr
20.30 dest pê dike.
|
22.05.2003 - 11:23
Dadgeha Sûriyeyê siyasetmedarên kurd tawanbar kirin
 
Merwan Osman - Hesen Salih
|
ŞAM (amude.com) - Siyasetmedarên kurd ên Partiya Yekîtiya Kurd li Sûriyeyê,
Merwan Osman û Hesen Saleh, ên ku di dawiya sala borî de li Şamê ji aliyê hêzên
Sûriyeyê ve hatibûn girtin, ji aliyê dadgeha ewlekarî ya Sûriyeyê ve hatin tawanbar
kirin, wiha parêzgerê wan Enwer Bunî ragihand AFP. Ger ev yek bête tesbît kirin,
ew dê jiyana xwe di zindanê de derbas bikin. Dadgehê ew sûcdar derxistin ku wan
xwestiye "beşekî ji Sûriyeyê bi welatekî din ve girê bide", wiha Bunî di
daxuyaniya xwe de nivîsandiye. Hêjayî gotinê ye, ku dadgehê nedihişt ku parêzger
herdu girtiyan bibînin û bi wan re biaxifin.
|
19.05.2003 - 22:15
Pirtûka "Helbestine mîjoke" derket
DORTMUND (amude.com) - Piştî "Hetav ne Leylan" û "Zindana Biçûk",
malpera Amûdê pirtûkeke din a helbestvanê kurd Ezîz Xemcivîn
diweşîne. Navê pirtûka nû "Helbestine mîjoke" ye û ji
62 rûpelan pêk tê.
Hêjayî gotinê ye ku ev pirtûk tenê
di malpera Amûdê de peyda dibin û hîn nehatine çap kirin.
|
18.05.2003 - 01:36
Komele, dibistan, kovar û rojnameyên ku Bedirxaniyan damezirandine û
beşdarî wan bûne
Konê Reş - QAMIŞLO (amude.com) - Ez ne bawer im ku tu malbatan wek malbata Mîrê Cizîra Botan, Mîr Bedirxanê Azîzî
î ji dil û can xebat û bizav di ber gelê kurd de kiribûn û tev malê xwe û canê
xwe di ber de winda kiribûn.
|
16.05.2003 - 01:46
Diya Felek
|
"Diya Felek" li Hisiçayê kete zindanê
QAMIŞLO (amude.com) - Çarşema borî, xanima hunermendê
rehmetî Mihemed Şêxo ya berê, Fatma Meleka (Diya Felek), li
Hisiçayê rojekê kete zindanê dema ku xwest rûniştina
xwe ya li Sûriyeyê dirêj bike. Ew niha di nexweşxaneya Qamişloyê
de dimîne û divê şemiyê dîsa biçe Hisiçayê
cem polîsan.
|
16.05.2003 - 00:51
An hînî xwendin û nîvisandina zimanê xwe bibin, an mebêjn em Kurd in!
Bêwar Ibrahîm - QAMIŞLO (amude.com) - Dema girên hêviyan bi nehişgehî li hemberî goristanên windabûnê
diherifin, dema hawar ji ber lewitandina mirovan di gerdena mirovantiyê de
difetise, dema sîngên keç û dayikan dibin yarîgeh ji lîzevanên bêbextiyê re,
dama reş dibe erênî û sipî dibe neyênî.. li ber weha bûyer jiyan seranser
li ser lingekî radiweste û bi gezan dire rûpelên dîroka derewîn, sextet
û windayî da ku ji xweseriya xwe careke din têgihişt bibe û encamên
dîroka rast li ser sînga xwe careke din bibîne..
|
15.05.2003 - 23:45
Helbestvan Ehmedê Huseynî di malpereke taybetî de
STOCKHOLM (amude.com) – Îro li Stockholmê malpera helbestvanê
kurd Ehmedê Huseynî vebû. Di malperê de, berhemên Huseynî yên bi zimanên kurdî, erebî,
swêdî, elmanî û tirkî cih girtine.
|
15.05.2003 - 19:30
Pirsgirêka alfabeyê û pêşniyazek
Cemîl Oguz - STENBOL (amude.com) – Pirsgirêka alfabeyê di nav Kurdan de hê didome. Her gelek tenê alfabeyek bi kar tîne, lê Kurd niha
çend alfabeyan bi hev re bi kar tînin. Ev yek ji bo me rojnamegeran jî kareke zehmet e, û ji ber
vê yekê em nikarin xwe bigihînin hemû Kurdan, Kurdên ku li her perçeyê rûdinin.
|
15.05.2003 - 19:15
Ibrahim Seydo Aydogan li ser romanê dipeyive
STOCKHOLM (amude.com) – Kitêbxaneya Kurdî li Stockholmê roja
yekşema 18ê vê mehê, demjimêr 14:00, semînareke li gel
nivîskar Ibrahim Seydo Aydogan organîze dike. Aydogan
dê li ser romanê biaxife. Semînar di Kitêbxaneya Kurdî,
Slupskjulsvägen 26, Skeppsholmen, li dar dikeve.
|
14.05.2003 - 15:40
Romana Dewrêşê Evdî çap bû
AMED (amude.com) – Li Bakurê Kurdistanê, romana Dewrêşê Evdî
ya nivîskar Eyup Kiran çap bû û gihîşt ber destê xwendevanan.
Helbestvanê kurd Receb Dildar wiha li ser vê romanê nivîsandiye:
|
13.05.2003 - 23:16
Silavek bo helbestvan Royarê Amedî
DORTMUND (amude.com) – Di rojên 17-18ê vê mehê de, çalakiyek e taybetî li jêr
sernavê "Silavek bo helbestvan Royarê Amedî" di Koçka Qamişlo de bo helbestvanê
girtî Royarê Amedî amade dibe. Şev demjimêr 22.00 dest pê dike.
Amadekarên vê şevê "hemî helbestvanên kurd ji boyî gurkirina xetîreya vê silavê
û riswakirina dîwarên qalind û şevistana dirinde ya zindana Royarî" vexwendî li
darxistina vê çalakiyê dikin.
Hêjayî gotinê ye ku helbestvan Royarê Amedî dawiya sala borî li Sûriyê li gel hevalekî xwe hate
girtin û hîn di zindanê de ye.
|
12.05.2003 - 10:15
Ferhad Elî
(wêne: amude.com)
|
Pirsgirêk li ser mirina xwendevanê kurd li Êrîvanê
ÊRÎVAN (amude.com) - Xwendevanê kurd ê ku meha borî li
Êrîvanê mir, navê wî Ferhad Elî ye
û û li bajarê Amûdê ji dayik bibû.
Li gor agahiyên ku ji Êrîvanê gihan amude.com, rehmetî du salan
di beşê bijişkiyê de li zanîngeha Êrîvanê
dixwend. Agahiyên ji Êrîvanê diyar kirin ku ew ji aliyê
hin kesên nediyar ve
hate kuştin. Lê li derdora malbata wî tê gotin ku ew di koncaleke
7 mitro de werbû û piştî 2 rojan mir.
Mirina Ferhad bû sedemê tevliheviyek mezin di nav xwendevanên
zanîngehê de.
|
12.05.2003 - 09:40
Ebdî Ne'san Qadir hat bibîranîn
KOBANÎ (amude.com) - Doh li gundê Elbelûrê nêzîkî
bajarê Kobanî, Ebdî Ne'san Qadir ji aliyê hejmarek mezin ji
gelê herêma Kobanî hate bibîranîn. Di vê bîranînê de,
gotin ji aliyê rewşenbîr û siyasetmedarên kurd
li ser gora Ebdî Ne'san Qadir hatin kirin.
Ebdî Ne'san Qadir di 11.05.1985an de li bajarê Kobanî hatibû kuştin
û ji wê rojê de her sal di 11ê mehê de tê bibîranîn.
|
09.05.2003 - 14:29
Dr. Cemal Nebez: Kurd divê serxwebûnê bixwazin, ne federalîzmê!
BIELEFELD (amude.com) - Sêşema borî, di semînarekê de ku ji aliyê
rêxistina xwendevanan li zanîngeha Bielefeld a elmanî
ve hatibû amade kirin, zaniyarê kurd Dr. Cemal Nebez dîrok
û rewşa Iraqê berî û piştî şer
şirove kir û got ku Kurd dîsa ji tecrûbeya xwe
fêr nebûne û ku ew divê bizanibin ku tiştek bi serê
xwe nayê.
|
03.05.2003 - 21:25
Di 60 saliya weşana "Roja Nû" de
Konê Reş - QAMIŞLO (amude.com) - Bi hatina 3yê heyva gulanê, sala îsal 2003, 60 sal di ser derçûna rojnameya kurdî
"Roja Nû" re derbas dibin.
Roja Nû rojnameyeke hefteyî ya siyasî bû, xwedî û berpirsiyarê wê Mîr Dr.
Kamîran Alî Bedir-Xan bû.
Cih û warê çapa wê wek ku li ser hatiye nivîsandin: Libnan-Beyrût bû.
|
03.05.2003 - 12:03
Gotin gotinê dikşîne!
Ehmed Heso - OSNABRÜCK (amude.com) - Li ser kursiya xwe ya bilind rûniştî, li dora wî berdestî û xizmetkar,
li himber wî televîzyon vêketî, di destê wî de jî "rêmotkontrol" ji qenalekê
dibir ser yeka din, nûçey tev jî gav bi gav li pey bûyerên şerê Emerîka
dijî Sedam in. Ew bi xwe jî neçar dima ku li wan temaşe bike.
|
03.05.2003 - 11:36
Kurdistan pîrozkirina sedsaliya helbestvan Goran amade dike
HEWLÊR (amude.com) - Weşanxaneya Aras li Hewlêrê
dixwaze salek din (2004) bi alîkariya Wezareta Çandê
ya hikûmeta Herêma Kurdistanê sedsaliya jidayikbûna helbestvanê kurd Ebdela Goran
pîroz bike. Li gor agahiyên rojnameya Xebat, weşanxaneya
Aras û malbata Goran li ser vê yekê lihev kirin. Herweha weşanxaneya
Aras dê hemû helbestên Goran bi awayekî xweşik û hêja
di dîwanekê de çap bike.
|
02.05.2003 - 17:13
Gotinên El-Sehaf dibin CDeyek muzîkê
LONDON (dpa/web.de/sun/amude.com) - Di hejmara xwe ya îro de, rojnameya ingilîzî
"SUN" ragihand ku niha CDeyek muzîkê bi axaftinên wezîrê
Iraqê yê ragihandinê yê berê Mihemed Seîd El-Sehaf ên ku
wî di civînên xwe yên rojnamevanî
di şerê Iraqê de
digotin, amade dibe.
Gotinên El-Sehaf dê bi awazên strana "19" ya Paul Hardcastle
ya ku di salên 80ê de li dijî şer hatibû amade
kirin, bêne tomar kirin.
|
01.05.2003 - 18:45
Weşan in nû ji Navenda Havîbûn a weşan
û lêkolînên kurdî li Berlînê
BERLÎN (amude.com) - Li paytexta Elmaniyayê
Berlîn, çend berhem in nû ji nav weşanên
"Navenda Havîbûn a weşan û lêkolînên
kurdî" derketin.
Herweha cotehejmara kovara Havîbûn (12 & 13) a ku bi zimanê kurdî
(tîpên erebî) tê weşandin, derket.
|
01.05.2003 - 14:10
Hunermend Mehmûd Ezîz îşev di Koçka Qamişlo de ye
DORTMUND (amude.com) - Dengbêjê kurd Mehmûd Ezîz Şakir
îşev (01.05.2003) dibe mêvanê Koçka Qamişlo di Paltalkê de.
Ew dê ji mêvanan re stranên xwe yên kevn û nû
pêşkêşke û bi wan re têkeve guftûgoyê.
Program demjimêr 20.00 dest pê dike.
|
01.05.2003 - 10:19
Li Bîngolê zemîn hejiya
BÎNGOL (amude.com) - Vê sibehê zû, demjimêr 3.27,
zemîn li bajarî Bîngolê dest bi hejandinekê kir.
Li gor agahiyên ajanseyên nûçeyan, ta niha bêtirî
100 kesî derbasrî vê hejnadinê hatin kuştin.
|
|
|
