28.02.2003 - 16:45
Piştî şewitandina ala Tirkiyê di xwepêşandana xwendekaran de -
YNK berpirsê xwendekaran girt
SILÊMANÎ (amude.com) - Di xwepêşndaneke xwendekarên kurd
çarşemba borî li Silêmaniyê dijî tehdîdên Tirkiyê
bo Başûrê Kurdistanê de,
xwendekaran ala Tirkiyê şewitandin û ya Kurdistanê bilind kirin.
Doh berpirsek ji amadekerên xwepêşandanê, Ebu-Bekir Hesen ji aliyê
polîsên Partiya Yekîtiya Niştimanî Kurdistan (YNK) li
Silêmaniyê hate girtin, wiha Kurdishmedia.com dibêje. Ta niha kesek
nizane ew di çi rewşê de ye. Organîsasyona xwepêşandanê
YNK dike berpirsiyar eger tiştek bi Hesen hat.
|
28.02.2003 - 11:20
"Keskê dawî di cenazeya Xwedê de" - Pirtûka
nû a helbestên Hoşeng Broka
STENBOL (amude.com) - Ji nav weşanên Pêrî
li Stenbolê pirtûka helbestvanê kurd Hoşeng Broka
"Keskê dawî di cenazeya Xwedê de" derket. Pirtûk
ji helbesteke dirêj pêk tê ku di çar beşan de
xwe li ser 144 rûpelan pêşkêş dike
û bi tablo û motîvên hunermend
Reşîd Hesso hatiye xemilandin.
|
28.02.2003 - 02:30
Kurd li Elmaniyayê xwepêşandanekê li dar dixin
KÖLN (amude.com) - Çar rêxistinên kurd roja şemiya 01ê Adarê, demjimêr 14.00-16.00,
li pêşiya DOMa bajarê Kölnê li Elmaniyayê xwepêşandanekê li hemberî planên
Tirkiyê yên dagirkirina Başûrê Kurdistanê amade dikin.
Amadekar: KOMEL e.V., KOMKAR e.V., HEVALTI e.V., Civata Kurd e.V.
|
27.02.2003 - 22:15
Hevbendî û Eniya Demoqrat ên Kurd li Sûriyê:
Li hemberî tehdîdên Tirkiyê yên dagîrkirina
Kurdistanê rawestin
QAMiŞLO (amude.com) - Hevbendiya Demoqrata Kurd li Sûriyê
û Eniya Demoqrata Kurd li Sûriyê îro di daxuyaniyekê de
ku ji Malpera Amûdê re hate şandin,
nerazîbûna xwe li hemberî tehdîd û daxwazên
Tirkiyê yên dagîrkirina Kurdistanê diyar kirin. Hevbendî ji
5 partiyên kurdî li gel çend
kesayetiyên kurdî yên serbixwe pêk tê û
Eniya Kurdî ji çar partiyan.
|
27.02.2003 - 18:39
Parêzgerê Dihokê bi nûnerên dezgehên ragihandinê li parêzgeha Dihokê re
rûnişt
DIHOK (amude.com) - Îro li parêzgeha Dihokê, parêzgerê bajêr Neçîrvan Ehmed
kombûnek digel nûnerên dezgehên ragihandinê li parêzgeha Dihokê pêk anî.
Di vê kombûnê de, Ehmed îşaret da serûberê herêmê û nûtirîn pêşhatan.
Herweha wî behsa nexse û pilanên kargêriya parêzgehê kir ên ku bo kawedanên
tengaviyê de di biyavên cuda cuda de.
|
27.02.2003 - 01:15
Li Holendayê xwepêşandanek dijî Tirkiyê
DEN HAG (amude.com) - Sibe, roja îna 28.02.2003an, caliya
kurdî û ya iraqî li bajarê Den Hagê (Lahay)
xwepêşandanekê li dijî derbasbûna leşkerên
Tirkiyê di Başûrê Kurdistanê de. Xwepêşandan
ji stasyona tirênê ya bajêr dest pê dike.
|
26.02.2003 - 23:32
Tankên leşkerê Tirkiyê neşên azadiya mirovan li welatê me têk biden
DIHOK (amude.com) - Îro li hola
Xanî li serokatiya zanîngeha Dihokê tayên Dihokê yên
Sendîka Rojnamenivîsên Kurdistanê, Yekîtiya Nivîskarên
Kurd, Sendîka Hunermendên Kurdistanê, Zanîngeha
Dihok endam û mamosteyên xwe komvekirn û li dor wî
bûyerên ku herêm îro
derbas dike, peyvîn.
|
26.02.2003 - 23:30
Konferensa oposîsiyona Iraqê li Kurdistanê
DORTMUND (amude.com) - Îro li Selahidîn li Başûrê
Kurdistanê civîna oposîsiyona Iraqê li dar ket.
Kesê ku ev civîn li ser Kurdistan TV temaşe nekir, dikare
di malpera KDP de li axaftinên nûnerên oposîsiyona
Iraqê û ya nûnerê serokê Emêrîkayê
Zalmay Khalilzad temaşe bike.
|
26.02.2003 - 17:50
Di rapirseka Malpera Amûdê de ..
98.3% Ji xelkê Kurdistanê dijî hatina leşkerê tirk in
DIHOK (amude.com) - Di rapirsekê de ku Malprea Amûdê li Herêma Kurdistanê kir
û du hezar (2000) kes tê de beşdar bûn, xuya bû ku rêjeya 98.3%
ji van kesan dijî hatina leşkerê tirk in bo Kurdistanê beramber 1.7%
kesên ku bi hatina leşkerê tirk razîn e.
|
26.02.2003 - 10:30
Qotabiyên Dihokê berhviya xwe diyar dikin bo berhingariya leşkerê tirkî
DIHOK (amude.com) - Îro li hola Mihemed Arifê Cizrî li Dihokê simînarek vekirî
taybetî bo qotabiyên deverê li gel berpirsê liqê 1ê yê P.D.K Mihemd Mela
Qadir li dor seruberê ku dever îro tê de diburît hate pêkanîn.
|
26.02.2003 - 00:05
Komela Ehmedê Xanî li Holendayê semînarekê li dar dixe
HOLENDA (amude.com) - Komela Ehmedê Xanî li Holendayê
roja 09.03.2003an, demjimêr 14.00, li bajarê Delft, Koorinmarkt 48,
semînarekê li gel Subhî Ehmed, Dilyarê Dêrkî
û Henîf Yûsif li dar dixe.
Bo têkiliyan: tel: 06-18845871
|
25.02.2003 - 19:35
Hunermend Seîd Yûsif dixwaze bibe endamê perlemana Sûriyê
QAMIŞLO (amude.com) - Hunermendê kurd Seîd Yûsif ê ku bi
stran û awazên xwe yên xweş cihekî taybetî
di dilên Kurdan de li seranserî cîhanê girt, dixwaze
bibe endamê perlemana Sûriyê. Ew bi parola "Min hertim dengê
xwe dida te, tu niha dengê xwe didî min?" dikeve kampaniyaya helbijartinên
perleman ên ku roja 2ê Adarê li dar dikevin. Navê wî di lîsteya
B de ye ya parêzgeha Hisiça.
|
25.02.2003 - 10:50
Li Kurdistanê gel xwe bo şer berhev dike
DIHOK (amude.com) - Piştî wan axaftinên ji aliyê Tirkan ve hatin gotin,
li Herêma Kurdistanê xelkên deverê xwe bo şer û berhingariya leşkerê tirkî
amade dikin.
|
25.02.2003 - 10:25
Mihemed Uzun: dahênerê romanê û xulqênerê zimanê kurdî
OSLO (evarbash.com) - Nivîskarê kurd Nîzar Agrî rexneya xwe
derbarî Mihemed Uzun û berhemên wî berdewam dike. ÊVAR BAŞ
îro beşê 2an a rexneya Agrî weşand.
|
24.02.2003 - 18:15
Li Londonê civîna komîteya parastina gelê kurd li dar dikeve
LONDON (amude.com) - Sibe li Londonê, demjimêr 18-20, civîna
komîteya parastina gelê kurd li dar dikeve. Ev komîte hate
damezirandin bo piştgiriya Kurdistanê derbarî bûyerên ku niha
li Iraqê pêk tên. Herkes li seranserî cîhanê
dikare beşdarî xebatê bibe. Di vê civînê de,
kesên beşdar dê daxuyaniyekê binivîsînin û
belav bikin. Ev daxuyanî dûra dibe bingeha kampaniyayên
vê komîteyê.
|
24.02.2003 - 17:20
Cemawêr û hêzên Kurdistanê
dijî hatina Tirkiyê bo Kurdistanê ne - daxuyaniya
23 partiyên Kurdistan û Iraqê
DIHOK (amude.com) - Piştî gotinên berpirsyarên tirk
derbareyî daxwaz û peşnyarên wan di guftûgoyên
wan de digel Emêrîkayê ji bo hinartina leşkerên
Tirkiyê bo Herêma Kurdistanê,
rêxistinên Kurdistanêyên siyasî û
cewamêran nerazîbûna xwe diyar kirin û gotin
ku ew qebûl nakin ku leşkerên
tirk bêne nav axa Kurdistanê û ewên
berhingariya wan bikin.
|
24.02.2003 - 14:01
Hevbendiya Demoqrata Kurd li Sûriyê li Efrîn û Kobanê
beşdarî helbijartinan dibe
HELEB (amude.com) - Hevbendiya Demoqrata Kurd li Sûriyê li herêmên
Kobanê û Efrînê bi sê endaman beşdarî
helbijartinên perlemana Sûriyê dibe. Hevbendî dixwaze van kesan
derbasî perlemanê bike: Nûrî Brîmo (endamê komîteya siyasî
ya Partiya Yekîtiya Demoqrat a Kurdî li Sûriyê), Ehmed Qasim (Partiya
Demoqrat a Pêşverû ya Kurdî li Sûriyê)
û Mislim Şêx Hesen (Partiya Yekîtiya Demoqrat a Kurdî li Sûriyê).
|
24.02.2003 - 12:30
Partiya Yekîtî ya Kurd li Sûriyê jî
beşdarî helbijartinên perlemana Sûriyê nabe
QAMIŞLO (amude.com) - Piştî Hevbendiya Demoqrata Kurd li
Sûriyê û Eniya Demoqrata Kurd li
Sûriyê biryara nebeşdarbûna helbijartinên perleman
li parêzgeha hisiça stendin, do
Partiya Yekîtî ya Kurd li Sûriyê di daxuyaniyekê de
eşkere kir ku ew beşdarî
helbijartinên perlemana Sûriyê nabe, ne li parêzgeha
Hisiça
û ne li dever in dî, û banga
gelê kurd li Kurdistanê û Sûriyê
dike ku ew jî beşdar nebin.
|
23.02.2003 - 23:55
Kurd beşdarî helbijartinên perlemana Sûriyê nabin
QAMIŞLO (amude.com) - Hevbendiya Demoqrata Kurd li
Sûriyê û Eniya Demoqrata Kurd li
Sûriyê li Qamişloyê îro piştî
civîna xwe hevbeş biryar dan ku ew li parêzgeha
Hisiçayê beşdarî
helbijartinên perlemana Sûriyê yên ku roja
2ê Adarê pêk tên, nabin. Sedema vê yekê ew
e ku rêcîma Sûriyê li parêzgeha Hisiça
tenê 4 cih dane kesên serbixwe ku bibin endamê perleman.
|
23.02.2003 - 10:35
Kovara SIBA rûpelên xwe di internêtê de vedike
DORTMUND (amude.com) - Kovara SIBA kovareke serbixwe ye ya
xwendekarên kurd li zanîngeha Helebê li Sûriyê û
bi zimanê kurdî û erebî berhemên xwendekaran diweşîne.
SIBA niha ne tenê dikare li Sûriyê bê xwendin, SIBA niha di rêya internêtê de
xwe digihîne xwendevanê kurd li seranserî cîhanê.
|
21.02.2003 - 21:12
Hevpeyivîn bi serokê Partiya Yekîtî ya Demokrat a Kurd Li Sûriyê (YEKÎTÎ)
Ismaîl Emo re
DORTMUND (amude.com) - Di malpera Tîrêj.com (www.tirej.com) de hevpeyvînek
bi serokê Partiya Yekîtî ya Demokrat a Kurd Li Sûriyê (YEKÎTÎ)
Ismaîl Emo re hatiye weşandin.
|
21.02.2003 - 20:55
Qado Şêrîn xelate pêşbirka Zevî ya
kurteçîroka kurdî li Qamişloyê wergirt
QAMIŞLO (amude.com) - Li bajarê Qamişloyê, nivîskarê
kurd Qado Şêrîn hate helbijartin bo wergirtina xelata
kovara Zevî ya kurteçîroka kurdî. Çîroka
Qado Şêrîn a bi navê "Kirîna serokan" di pêşbirkê
de hate xelat kirin. Neh çîrok beşdarî pêşbirkê bibûn.
|
21.02.2003 - 13:40
Li Duhokê filmên kurdî hatin pêşkêş kirin
DIHOK (amude.com) - Ji berhemên nivîsgeha Dihokê ya
Kurdistan TV, roja 18.2.2003an bi berhevbûna hejmareke mezin
ji hunemend û hunerdostan du filmên kurdî yên
dokumenter, yek bi nav ê (DAR AV) û yê din
bi navê (QEREÇ), li hola mûzexaneya Dihokê ya
folklorî hatin pêşkêş kirin.
|
21.02.2003 - 09:35
Berpirsê Malpera Amûdê îro li ser malperên kurdî diaxife
DORTMUND (amude.com) - Li ser daxwaziya birêvebiriya "Koçka Qamişlo"
di Paltalkê de, berpirsê Malpera Amûdê Sîrwanê Hecî Berko
îro, demjimêr 21.00, di "Koçka Qamişlo"
de li ser malperên kurdî û rola wan bi giştî û ya
Malpera Amûdê bi taybetî dipeyive.
|
20.02.2003 - 11:25
Kurdên Swêdê xwepêşandanekê li dar dixin
STOCKHOLM (amude.com) - Vê şemiyê, 22.02.2003,
Kurdên Swêdê li Stockholmê xwepêşandanekê
bo piştgiriya Başûrê Kurdistanê li dar dixin û bangî
hemî Kurdan dikin ku beşdar bibin û dengê xwe li dijî
dijminên Kurdan bilind bikin. Hunermendê kurd Şivan Perwer
bi mûzîka xwe beşdarî xwepêşandanê dibe.
Cih: Sergelstorg / Stockholm, kombûn: 14.00
|
20.02.2003 - 11:22
Kasêta hunermend Bawercan derket
BIELEFELD (amude.com) - Hunermendê kurd Bawercan li Elmaniyayê
kasêta xwe ya yekem derxist. Kasêt ji 10 stran in evînî û netewî
pêk tê. Bi derxistina kasêta xwe, Bawercan malpereke taybetî bo xwe
vekir û tê de xwe û muzîka xwe pêşkêş dike.
Mêvanê malperê dikare li stranên Bawercan guhdarî bike.
|
19.02.2003 - 12:55
5000 leşkerên oposîsyona iraqî li Îranê derbasî
Kurdistanê bûn
KURDISTAN (amude.com) - 5000 leşkerên grûpeke oposîsyona
iraqî ku li Îranê dimînin, derbasî Başûrê Kurdistanê
bûne, weha "Financial Times" dibêje. Serokê vê grûpê
Ayatollah Mohammed Baqir El-Hakîm e û ji sala 1980ê li Tehranê
dimîne û xebata xwe ji wêderê dimeşîne. Hikûmeta
Emêrîkayê ditirse ku rewş pir tevlihev bibe û karê wan
li Iraqê zortir bibe. Tê gotin ku ev grûp
ji aliyê Îranê ve tê bikaranîn.
|
19.02.2003 - 12:42
Nîzar Agrî: Gunehkarî û ceza
OSLO (evarbash.com) - Berî çend rojan nivîskarê kurd
Mustefa Reşîd rexneyek li ser nivîseke Nîzar Agrî
bo ÊVAR BAŞê nivîsandibû.
ÊVAR BAŞê îro bersiva Agrî li ser
vê rexneyê weşand.
|
17.02.2003 - 10:55
Li Danmarkê sedsaliya Mistefayê Berzanî tê cejn kirin
KOPENHAGEN (amude.com) - Di 14ê Adarê de, 100 sal li ser jidayikbûna
Mele Mistefayê Berzanî yê nemir derbas dibin. Kurdên li Danmarkê
di 28.02.2003an de, demjimêr 18.00, 100 saliya Berzanî bi şahiyeke mezin cejn dikin.
Derbasbûna şahiyê bê pere ye.
|
17.02.2003 - 10:17
ALIAS - Programek ji bo kesên ku li Kurdistanê derbasî internêtê dibin
DORTMUND (amude.com) -
Li her çar perçeyên Kurdistanê gelek malperên internêtê
hene ku hikumetên dagîrker wan qedexe dikin û nahêlin ku
milet bikaribe derbasî wan malperan bibe.
Lê niha programek ingilîzî derketiye ku hemû malperên
internêtê vedike û derfetê dide ku mêvanê internêtê
bikaribe ji xwe re di internêtê de bê sansur û girêdan
bigere.
|
16.02.2003 - 21:15
Ekremê Haco Axa koça dawîn kir
QAMIŞLO (amude.com) -
Vê sibehê, li bajarê Tirbesipiyê li Başurê Rojavayî Kurdistanê
Ekremê Haco, kurê Haco Axayê Hevêrkî,
koça dawîn kir û bi beşdarbûna cemawerekî mezin di goristana li gundê Dugirê
li rex bav û birayê xwe hat veşartin.
|
13.02.2003 - 23:45
Konefernsek cîhanî ekademî li ser
"Kurdên Sûriyê" li Berlînê
BERLÎN (amude.com) - Civaka Berlînê bo pêşxistina Kurdolociyê
û Navenda ewropî bo lêkolînên kurdî di rojên 22 û 23ê Adara
2003an de li Berlînê konferenseke cîhanî ekademî
li ser Kurdên li Sûriyê li dar dixînin. Ev yekemîn
konferens e ku ta niha bi vî awayê berfireh û zanistî
li ser Kurdên Başurê Rojavayê
Kurdistanê pêk tê.
|
13.02.2003 - 12:25
Dr. Cemal Nebez li Kölnê li ser Kurdan diaxife
KÖLN (amude.com) - Ji bo rewşenbîrê kurd Dr. Cemal Nebez,
Komeleya Kurdên li Derveyê Welat (KOMEL)
roja 15.02.2003an, demjimêr 14.00, li bajarê Köln li Elmaniyayê
semînarek li ser rewş û paşeroja Kurdan li
Başurê Kurdistanê li dar dixe. Li gor agahiyên Avesta Dr. Nebez
dê bi berfirehî li ser rewşa Kurdan piştî guhertina
rêcîmê li Iraqê biaxife.
|
12.02.2003 - 17:25
"ZÎMARÊN ÇIYAYÎ" ya Bedirxan Sindî hate weşandin
Malpera Amûdê xebata xwe ya weşana pirtûkan berdewam dike.
Vê carê ew derfetê dide xwendevanê kurd ku pirtûka
helbestvanê kurd Dr. Bedirxan Sindî "ZÎMARÊN ÇIYAYÎ" bixwîne. Pirtûk
ji 253 rûpelan pêk tê û bi tîpên erebî hatiye
nivîsandin.
|
12.02.2003 - 17:15
"ŞAGIRTÊN EVÎNÊ" - Dîwana Berken Bereh a diduan derket
STENBOL (amude.com) - Piştî "ÊŞ", dîwana
helbestvanê kurd berken Bereh a diduyan bi navê "ŞAGIRTÊN EVÎNÊ"
ji nav weşanên SÎ
li Stenbolê derekt. Pirtûk dikare ji nivîskar li ser emaila wî bê xwestin:
berkenbereh@amude.com
|
12.02.2003 - 12:57
'GERA PÊNÛSÊ' ya Salihê Kevirbirî derket
STENBOL (amude.com) - Ji nav weşanên SÎ
li Stenbolê, pirtûka nivîskarê kurd Salihê
Kevirbirî 'GERA PÊNÛSÊ' derket. Pirtûk ji 280 rûpelan pêk tê
û dikare ji nivîskar li ser emaila wî bê xwestin:
salihkevirbiri@hotmail.com
|
12.02.2003 - 01:49
Li Hannoverê hevdîtina xwendekarên kurd
HANNOVER (amude.com) - Xwendekarên kurd li bajarê Hannoverê
li Bakurê Elmaniyayê roja 13.02.2003an, demjimêr 18.00, di
"Elch-Keller" de hevdîtina xwe ya
duwemîn li dar dixînin. Bo hevdîtinê hemû xwendekarên kurd ên
zanîngeh û dibistanên bilind ên Hannoverê vexwandîne.
Bo têkiliyê: kurdengruppe-hannover@web.de, an
tel. 0173/6088370
|
11.02.2003 - 22:28
"Kurd - Goriyên Sedam û
welatên cîhanê?
BOCHUM (amude.com) - Îro li zanîngeha Bochumê (Ruhr-Universität Bochum)
li Elmaniyayê semînarek li ser Kurdan derbarî
rêzek ji semînaran li ser şerê Iraqê pêk hat.
Profêsorê elman PD Dr. Hans Joachim Heintze ji zanîngeha Bochumê
semînara xwe li jêr navê "Kurd - Goriyên Sedam û
welatên cîhanê?" pêşkêş kir.
Em ji xwendevanên xwe re lêkolîna PD Dr. Hans Joachim Heintze
bi zimanê elmanî diweşînin.
|
10.02.2003 - 21:10
33 saliya Yekîtiya Nivîskarên Kurd li Duhokê
hate pîroz kirin
DIHOK (amude.com) - Bi hilkefta borîna 33 sal di ser damezirandina
Yekîtiya Nivîskarên Kurd, tayê Dihokê yê
yekîtiyê îro li baregayê yekîtiyê li
Dihokê ev bûyer pîroz kir.
|
10.02.2003 - 14:35
Tîma Cîhad a Qamişloyê vedigere dereca yekê
QAMIŞLO (amude.com) - Do li Şama paytext, serokê
Yekîtiya Fotbolê ya Werzîşî li Sûriyê
Faruq Bozo di civîna yekîtiyê de biryar da
ku tîma Cîhad a ji bajarê Qamişlo dê vegere
dereca fotbolê ya Sûriyê ya yekê. Bi vê biryarê
Cîhad piştî salekê durbûn vedigere cihê xwe
yê rast û pê re kêfxweşî dikeve dilê
cemawerên wê piştî çar mehan ji qezaya terafîkê
ya ku bû sedemê mirina lîskvan û stêrka Cîhad ê
kurd Heysem Keço.
|
10.02.2003 - 11:05
Li Elmaniyayê Hemreş Reşo hate bibîranîn
BERGISCH GLADBACH (amude.com) -
Doh li bajarê Bergisch Gladbach li Elmaniyayê
ji bo serokê Partiya Demokrat a Kurdistan - Bakur Hemreş Reşo
civîneke bibîranînê li dar ket û tê de berpirsên partiyên
siyasî yên kurd û kesayetiyên kurd û nas û dostên wî û Kurdên ji seranserî Elmaniyayê
beşdar bûn.
|
09.02.2003 - 22:46
Di Paltalkê de semînarek li ser Kurdên "Binxetê"
STOCKHOLM (amude.com) - Roja îna 14.02.2003an, demjimêr 21.00,
semînarek di Koçka Qamişloyê de li
ser rewşa Kurdên Başurê Rojavayî Kurdistanê
bi giştî û helbijartinên perlemana Sûriyê bi taybetî
pêk tê. Semînar dê ji aliyê nûnerê Ewropayê yê
Partiya Yekîtî ya Kurd li Sûriyê Dr. Sededîn Mele bê
pêşkêş kirin.
|
08.02.2003 - 20:10
Salih û Osman diçin pêşiya dadgeha ewlekariya dewletê
ŞAM (amude.com) - Îro li Şamê,
dadgeha leşkerî doza endamên komîteya siyasî ya
Partiya Yekîtî ya Kurd li Sûriyê Hesen Salih
û Merwan Osman şand ji dadgeha ewlekariya dewletê (emin dewlê) re. Herdu siyasetmedarên
kurd ji roja 15.12.2002an de girtîne û têne tewanbar kirin
ku ew "endamên komeleyek neqanûnî ne".
|
08.02.2003 - 16:55
Ciwan Haco: "Hema bêjin muzîka Ciwan!"
Ciwan Haco piştî albûma xwe ya bi navê "Destana Egîdekî" ku di sala 1998'an
derketibû, îcar jî bi berhema xwe ya bi navê "Derya" ji Ses Plakê derket pêşberî
hezkiriyên xwe. Ciwan Haco bi her berhema xwe ya nû guhdar û hezkiriyên xwe
şaşwaz dike. Di vê berhema ku bi tevahî ji stranên li ser evînê pêk
tê de tarzeke nû ceribandiye û ji bo vê tarzê jî Ciwan Haco ji guhdarên xwe re
dibêje, 'Hema bêjin muzîka Ciwan'. Li ser albûma "Derya" em pêre peyivîn.
|
07.02.2003 - 12:10
Cemîl Oguz: Di nûçeyan de hin şaşî
STENBOL (amude.com) - Em her roj bi dehan, sedan nûçeyan çêdikin. Rojnameyên me yên
rojane, hefteyî, malperên me yên rojane, demdemî û hwd. nûçeyan çêkidin
û pêşkêşî Kurdan dikin. Lê di van nûçeyan de bi çi awayî şaşî têne kirin,
divê çawa bin? Em îcarê dixwazin li ser çend xalên bi vî rengî bisekinin.
|
05.02.2003 - 14:05
Hunermendê kurd Selah Kîkî koça dawîn kir
HERNE (amude.com) - Îro li nexweşxaneya bajarê Herne li Elmaniyayê
hunermendê kurd Selah Kîkî çû ser dilovaniya Xwedê.
Rehmetî berî du salan bi nexweşiya penceşêra pişikê ketibû
ya ku bû sedema mirina wî.
Bo têkiliyan: +49 1723766376 (yûnis Behrem)
|
05.02.2003 - 11:59
Remzî Kerîm di Paltalkê de li ser zimanê kurdî diaxife
STOCKHOLM (amude.com) -
Roja yekşema 09ê vê mehê, demjimêr
21.00, mamosteyê zimanê kurdî Remzî Kerîm
dê bibe mêvanê Koçka Qamişloyê di Paltalk de
û li ser dibistanên Swêdê û dersên zimanê kurdî
bipeyive. Herwiha ewê li ser rewşa zimanê kurdî bi giştî
biaxife.
|
04.02.2003 - 19:30
Li Şamê parêzerên girtiyên kurd rapora xwe
pêşkêşî dadgehê kirin
ŞAM (amude.com) - Do li paytexta Sûriyê
Şamê rûniştina 3an a dadgehkirina
siyasetmedarên kurd Merwan Osman û Hesen Salih
li pêşiya dadgeha leşkerî
li Şamê pêk hat. Heyşt parêzerên kurd û ereb
amade bûn û di rapora xwe ya ku ji heyşt rûpelan pêk dihat,
bi berfirehî li ser siyaseta ku dijî Kurdan ji dema damezirandina
komara Sûriyê ta niha pêk tê, rawestiyan.
|
03.02.2003 - 21:57
Pêşengeha hunermend Ezîz Ehmed li Hisiçayê
HISIÇA (amude.com) - Sibe li bajarê Hisiçayê
pêşengeha nîgarkêşê kurd Ezîz Ehmed li dar dikeve.
|
03.02.2003 - 19:46
Gengeşî li ser gotara Nîzar Agrî "Li ber baranê"
SAARBRÜCKEN (evarbash.com) - Nivîskar Mistefa Reşîd rexneyê li Nîzar Agrî
û gotara wî dike ya ku roja
01.01.2003an di ÊVAR BAŞê de hatibû weşandin.
Mijara herdu nivîsan rexne di civaka kurdî de ye.
|
03.02.2003 - 15:32
Kongireya salane ya Navenda PENa Kurd Li Berlînê li dar dikeve
BERLÎN (amude.com) -
Li Berlîna paytext, roja 08.03.2003an, demjimêr 10.00-19-00, Navenda PENa Kurd
dê kongireya xwe ya salane li dar xîne. Terry Carlbom, sekretêrê
giştî yê PENa Navneteweyî (Swêd), Lucina Kathmann (Meksîko), yek
ji cihgirên serokê giştî yê PENa Navneteweyî û hin nivîskarên elman
dê di kongireya PENa Kurd de beşdar bin.
|
03.02.2003 - 15:07
Li Qamişloyê semînarek li ser jinê
QAMIŞLO (amude.com) -
Li Navneda Çandî li Qamişloyê, sibe, sêşema
04.02.2003an, demjimêr 17.00, lêkolînerê kurd
Ibrahîm Mehmûd dê semînarekê li jêr
navê (Nîvjin) pêşkêşke.
|
02.02.2003 - 19:53
Baweriya bahaî û civaka Bahaiyan
STENBOL (evarbash.com) -
Li gorî lêkolîneke 'Ansiklopediya Britanîca' yê, Ola Bahaî ku ji baweriyên olî û nîjadî,
erkên etnîkî û însanên ji çînayetiyên aborî û cîvakî, bi afirandina "di nav pirengiyê de
yekîtî" civakeke cîhanî pêk tîne, di pey Ola Xrîstiyaniyê (Îsewî) de dînê ku herî zêde
li nav cîhanê belav dibe bixwe ye. Baweriya Bahaîtiyê di nav xwe de, behtirî 2100 komên
etnikî û qebîle dihewîne. Berhemên ku li ser Bahaiyan û ola wan hatine nivîsîn, ji bo
800'î bêhtir lîsan û devokan hatine wergerandin.
|
|
|
